კახეთში საჯარო სკოლების დირექტორებს პედაგოგების და მათი ოჯახის წევრთა პოლიტიკური შეხედულებების შესახებ ინფორმაციის შეგროვება და 30 ივლისამდე საგანმანათლებლო რესურს-ცენტრებში წარდგენა დაევალათ.
კახეთის საინფორმაციო ცენტრთან საუბარში რამდენიმე სკოლის დირექტორმა აღნიშნული დაადასტურა, თუმცა მათ ვინაობის საჯაროდ გამხელა არ ისურვეს. ერთ-ერთი მათგანის თქმით, დავალება ამის შესახებ პირადად საგანმანათლებლო რესურს-ცენტრის უფროსისგან მიიღეს.
ქალაქ გურჯაანის საგანმანათლებლო რესურს-ცენტრის უფროსი ლალი გაბიტაშვილი მსგავსი დავალების გაცემას კატეგორიულად უარყოფს.
უნდა აღინიშნოს, რომ 2008 წლის საპარლამენტო არჩევნებამდე სკოლებიდან დაითხოვეს მასწავლებლები, რომელთა ოჯახის წევრები ან ახლობლები ოპოზიციის საარჩევნო შტაბებში მუშაობდნენ.
წყარო: „კახეთის საინფორმაციო ცენტრი“