ტელეკომპანია „რუსთავი 2“-ის საინფორმაციო სამსახურს ნინო შუბლაძის ნაცვლად, ირმა ნადირაშვილი უხელმძღვანელებს. აღნიშნული ინფორმაცია „პირველთან“ საუბარში ირმა ნადირაშვილმა უკვე დაადასტურა. რაც შეეხება ნინო შუბლაძეს - იგი არხის გენერალური დირექტორის - გოგი გეგეშიძის მოადგილის თანამდებობას დაიკავებს და გადაცემა „პოზიციის“ წამყვანად დარჩება. „რუსთავი 2“-ის საინფორმაციო სამსახურის ახალი ხელმძღვანელი „რუსთავი 2“-ის კადრია. იგი ტელეკომპანიაში მისი დაარსების დღიდან მუშაობს.
წყარო: საინფორმაციო სააგენტო „პირველი“