საქართველოს სახალხო დამცველის სოზარ სუბარის შეფასებით, „პოლიტიკურმა ტერორმა საქართველოში შემაშფოთებელი ხასიათი მიიღო“. ამის შესახებ სუბარმა რამდენიმე წუთის წინ შინაგან საქმეთა სამინისტროში ხელისუფლებასა და ოპოზიციის წარმომადგენლებს შორის დაგეგმილი შეხვედრის დაწყებამდე განაცხადა. „თუ ეს არ დასრულდა, დემოკრატიაზე საუბარი ზედმეტია. არასწორ ადგილას მოვედი: ყველაფერი აქ იგეგმება, თუმცა ეს ერთ-ერთი ტრიბუნაა, სადაც ჩვენი პოზიციის დაფიქსირების საშუალება გვექნება. ჩვენი მოვალეობაა, ჩვენი სათქმელი სრულად ვთქვათ მანამ, სანამ შედეგს არ მივაღწევთ“, - განაცხადა სუბარმა. ოპოზიციის წარმომადგენლებისა და ძალოვანი მინისტრების შეხვედრა შინაგან საქმეთა სამინისტროს ახალ შენობაში ამ წუთებში იწყება.
წყარო: საინფორმაციო სააგენტო „პირველი“