“დემოკრატიული ლიგის” წევრებმა შსს-სთან აქცია გამართეს

მოძრაობა „დაიცავი საქართველო“-ში შემავალი  სტუდენტ-ახალგაზრდობის „დემოკრატიული ლიგის“ წევრებმა  შსს-ს ძველ შენობასთან აქცია - „ახალგაზრდები წამების წინააღმდეგ“ გამართეს.

ახალგაზრდებმა სამინისტროსთან 2004-2009 წლებში სამართალდამცველების მიერ ნაწამები ადამიანების ფოტოები გააკრეს და მათი სახელები და გვარები გამოაცხადეს.
როგორც “ინტერპრესნიუსს’’ ლიგის თავმჯდომარე ხათუნა შიუკაშვილმა განუცხადა, ისინი ამ აქციით ახალგაზრდების  ცემასა და წამებას აპროტესტებენ და სამართალდამცველებს მოუწოდებენ თავი შეიკავონ ასეთი ქმედებებისგან.

აქციის მონაწილეებმა სამინისტროს შენობის წინ ტრაფარეტები „არ აწამოთ“ „განერიდე ძალადობას“ და ა.შ. გამოფინეს.

წყარო: ინტერპრესნიუსი