13:50, Saturday, 05.12.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

აჟიოტაჟის თავიდან აცილების მიზნით შალვა რამიშვილი 11 საათის ნაცვლად დილის 8 საათზე გაანთავისუფლეს

26.08.2009
ტელეკომპანია „202“-ის დამფუძნებელი შალვა რამიშვილი თავისუფალია. რამიშვილი, რომელიც სასჯელს რუსთავში იხდიდა, ციხიდან დღეს, 11:00 სთ-ზე უნდა გამოსულიყო, თუმცა როგორც თავად ყოფილმა პატიმარმა განაცხადა, პრეზიდენტ სააკაშვილის უშუალო ჩარევით იგი საპატიმროდან დათქმულ დროზე ადრე გაათავისუფლეს, რათა ამას ზედმეტი აჟიოტაჟი არ გამოეწვია.

„სააკაშვილმა ჩემი დათქმულ დროზე ადრე გამოშვება უზრუნველყო და დილის 08:00 სთ-ზე ექსკლუზიურად გამათავისუფლა. ამჟამად ოჯახის წევრებთან ერთად ვარ, ჯერჯერობით ბუნდოვნად აღვიქვამ რეალობას, თუმცა მოგვიანებით პრეს-კონფერენციას გავმართავ და ჟურნალისტების კითხვებს ვუპასუხებ, რომელიც მათ ალბათ, ჩემს მიმართ ბლომად დაუგროვდათ“ - განაცხადა რამიშვილმა და აქვე დასძინა, რომ პრეს-კონფერენციის დანიშვნის დროსთან დაკავშირებით მოგვიანებით, დღის განმავლობაში ჩამოყალიბდება.

როგორც ცნობილია, ტელეკომპანია „202“-ის დამფუძნებლები შალვა რამიშვილი და დავით კოხრეიძე 2005 წლის აგვისტოში დააპატიმრეს. მათ დეპუტატ კობა ბექაურისგან 100 000 აშშ დოლარის გამოძალვაში დასდეს ბრალი. რამიშვილის და კოხრეიძის დაკავება ფარული ვიდეოკამერით გადაღებული იმ ვიდეო-მასალის საფუძველზე განხორციელდა, რომელიც სამართალდამცველ ორგანოებს თავად ბექაურმა გადასცა.

აღსანიშნავია, რომ შალვა რამიშვილს არაერთხელ შესთავაზეს ვადაზე ადრე გათავისუფლება და მას ამისათვის პრეზიდენტის სახელზე შეწყალების თხოვნის დაწერა მოსთხოვეს, თუმცა რამიშვილმა შეწყალებაზე კატეგორიული უარი განაცხადა.

ცნობისათვის, შალვა რამიშვილი ცნობილი გადაცემის „დარდუბალას“ ავტორი და სცენარისტი იყო. რამიშვილი თავის დროზე მიხეილ სააკაშვილის მეგობარიც იყო და „ვარდების რევოლუციაში“ საკმაოდ დიდი წვლილიც შეიტანა.

წყარო: საინფორმაციო სააგენტო „პირველი“

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC