252 ახალგაზრდა, რომლებმაც ბათუმში კარნავალის ორგანიზება უზრუნველყვეს, კუთვნილ ანაზღაურებას ითხოვს. საქართველოს ეკონომიკური განვითარების სამინისტროსა და ტურიზმის დეპარტამენტი მათ ხელშეკრულებით გათვალისწინებულ თანხას არ აძლევენ.
კარნავალი ბათუმში 25-დან 30 აგვისტომდე მიმდინარეობდა, ახალგაზრდებს კი დაგეგმილ ღონისძიებებზე ხალხის მიპატიჟება და მათი გართობა ევალებოდა. სანაცვლოდ, დღიურად 20 ლარი უნდა მიეღოთ და კომპანია „ნატახტარისგან“ სამჯერადი კვება უნდა ჰქონოდათ.
„24-ში დაგვიბარეს, უნდა დაგასაქმოთო. დღიურ გასამრჯელოდ 20 ლარს და სამჯერად კვებას დაგვპირდნენ. რაც შეგვეძლო გავაკეთეთ, თავი არ დაგვიზოგავს, მაგრამ ანაზღაურებას არ გვაძლევენ. კუთვნილ ანაზღაურებას ვითხოვთ“, - აცხადებენ ახალგაზრდები.
კარნავალის მხარდამჭერი ჯგუფის წევრ ახალგაზრდებს კარნავალის ორგანიზატორ ლაზო ლაზარეიშვილთან ინდივიდუალური ხელშეკრულება აქვთ გაფორმებული. ლაზარეიშვილი აღნიშნულ საკითხზე კომენტარს არ აკეთებს.
ადამიანის უფლებათა ცენტრი, ბათუმი