უცხო ქვეყნების საპყრობილეებში სასჯელს საქართველოს 5 000-მდე მოქალაქე იხდის. ამის შესახებ ინფორმაცია დეპუტატებს უცხოეთში მცხოვრებ თანამემამულეებთან ურთიერთობის კომიტეტის სხდომაზე საგარეო საქმეთა სამინისტროს საკონსულო დეპარტამენტის უფროსის მოადგილემ პაატა პაპუაშვილმა მიაწოდა. საქართველოს საგარეო უწყების მონაცემებით, რაოდენობრივი თვალსაზრისით ყველაზე მეტი ქართველი სასჯელს უკრაინის, თურქეთის, რუსეთის, ავსტრიის და ესპანეთის ციხეებში იხდიან. პაატა პაპუაშვილის განმარტებით, რუსეთში დაპატიმრებულ საქართველოს მოქალაქეთა უმრავლესობა ქუდრობისთვის არის გასამართლებული. უმეტესად ამავე მუხლით აქვთ მსჯავრი წაყენებული სხვადასხვა ევროპულ ქვეყნებში დაპატიმრებულ ქართველებს. რაც შეეხება თურქეთს, ამ ქვეყანაში ქართველები ძირითადად, პროსტიტუციისა და ტრეფიკინგის გამო იხდიან სასჯელს.
წყარო: საინფორმაციო სააგენტო „პირველი“
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
