დედოფლისწყაროს რაიონის სოფელ მირზაანის მაცხოვრებლები, სკოლის აღდგენის მოთხოვნით, ორშაბათიდან, თბილისში, საქართველოს პრეზიდენტის სასახლესთან საპროტესტო აქციების გამართვას გეგმავენ.
ადგილობრივებმა განაცხადეს, რომ ამ გადაწყვეტილების მიღებამდე დახმარებისათვის საქართველოს პრეზიდენტს ოფიციალურად მიმართეს, თუმცა უშედეგოდ. პრეზიდენტის ადმინისტრაციიდან პასუხიც კი არ მიუღიათ.
შეგახსენებთ, რომ სოფელ მირზაანში საჯარო სკოლა მცირე კონტიგენტის გამო ორი წლის წინ გაუქმდა. სკოლის გაუქმების შემდეგ სოფელი მოსახლეობისგან იცლება.
კახეთის საინფორმაციო ცენტრი