რუსი ოკუპანტების მიერ 3 თვის წინ გატაცებული მახარე მახათაძე ზუგდიდის საავადმყოფოში გადაიყვანეს
ზუგდიდის რაიონის მცხოვრები მახარე მახათაძე, რომელიც რუსმა ოკუპანტებმა 3 თვის წინ დააკავეს, ამჟამად ზუგდიდის საავადმყოფოში მკურნალობს. ამის შესახებ აფხაზეთის ავტონომიური რესპუბლიკის მთავრობის თავმჯდომარემ, გიორგი ბარამიამ დღეს გამართულ პრესკონფერენციაზე განაცხადა.
„გვაქვს ინფორმაცია, რომ საქართველოს მოქალაქე მახათაძე, რომელიც ენგურის ხიდზე ზუგდიდის მიმართულებით მოძრაობდა, მათ დააკავეს და სასტიკად სცემეს. იგი ამჟამად ზუგდიდის საავადმყოფოში მკურნალობს“, - განაცხადა ბარამიამ.
მისი განმარტებით, რამდენადაც ქართულ მხარეს უშუალოდ რუს ოკუპანტებზე ზემოქმედების ბერკეტი არ აქვს, დახმარებისთვის ევროკავშირის სადამკვირვებლო მისიას მიმართეს.
„ჩვენ ვთხოვეთ მისიას, ამ ფაქტზე სათანადო რეაგირება მოახდინონ და ადამინაის უფელებების დარღვევის კიდევ ერთი უხეში ფაქტი შეაფასონ“, - განაცხადა ბარამიამ.
წყარო: „ინტერპრესნიუსი“
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
