მედია კლუბის ინიცირებითა და ფონდის „ღია საზოგადოება - საქართველო“ ორგანიზებით დღეს, სასტუმრო „შერატონ მეტეხი პალასში“, წამყვანი არასამთავრობო ორგანიზაციების წარმომადგენლები შეიკრიბებიან და „საზოგადოებრივი მაუწყებლის“ სამეურვეო საბჭოს დაკომპლექტებასთან დაკავშირებულ საკითხებს განიხილავენ.
ფონდის ინფორმაციით, შეხვედრას დაესწრებიან მედია კლუბის წევრები ნინია კაკაბაძე, ლაშა ბაქრაძე, შორენა შავერდაშვილი და წამყვანი არასამთავრობო ორგანიზაციების წარმომადგენლები.
„იმის გათვალისწინებით, რომ მიმდინარეობს აქტიური მოლაპარაკებები ხელისუფლებასა და ოპოზიციური პარტიების ნაწილს შორის სამეურვეო საბჭოს დაკომპლექტებასთან დაკავშირებით, მნიშვნელოვანია სამოქალაქო საზოგადოებამ ჩამოაყალიბოს საკუთარი ხედვა და დამოკიდებულება მიმდინარე საკითხთან მიმართებაში“, - მიაჩნიათ შეხვედრის ორგანიზატორებს.
წყარო: „ინტერპრესნიუსი“