დუშეთის რაიონის სოფელ გრემისხევიდან გატაცებული 16 ქართველი გათავისუფლებულია. შს სამინისტროს ანალიტიკური დეპარტამენტის უფროსის შოთა უტიაშვილის განცხადებით, დაკავებულების გადმოცემა დაახლოებით საათნახევარში განხორციელდება. „დაგვიკავშირდნენ და გვითხრეს, რომ დაკავებულები უკვე გაათავისუფლეს, მათ დაახლოებით საათნახევარში გადმოიყვანენ. მათი ჯანმრთელობის მდგომარეობა ჯერ უცნობია. ასევე არ ვიცით, რის საფუძველზე მოხდა მათი გათავისუფლება“, - განაცხადა უტიაშვილმა.
შეგახსენებთ, რომ ოსმა კრიმინალებმა და რუსმა ოკუპანტებმა 16 ქართველი დუშეთის რაიონის სოფელ გრემისხევის ტყეში 25 ოქტომბერს დააკავეს.
წყარო: საინფორმაციო სააგენტო „პირველი“