ჩეჩნეთიდან ლტოლვილი ბავშვები, რომლებიც პანკისის ხეობის სოფელ წინუბანში ცხოვრობენ, სკოლაში ვერ დადიან. განათლების მისაღებად ბავშვებმა სოფელ დუისის საჯარო სკოლაში უნდა იარონ. წინუბნიდან დუისამდე კი დაახლოებით 5 კილომეტრია. ბავშვებმა ეს გზა ფეხით უნდა გაიარონ, რადგან მათ მიკროავტობუსი არ ემსახურებათ. გზა კი საკმაოდ სახიფათოა.
როგორც ჩეჩნეთიდან ლტოლვილებმა განაცხადეს, სკოლაში სიარულის პერიოდში ბავშვებს გზაზე არაერთხელ მგლები გადააწყდნენ. მოზარდები მტაცებლების თავდასხმას ძლივს გადაურჩნენ. ამ მხრივ განსაკუთრებით რთული ვითარება ზამთარშია, რა დროსაც, პანკისის ხეობა რთული კლიმატური პირობებით გამოირჩევა.
ახმეტის მუნიციპალიტეტის გამგებლის კობა მაისურაძის განცხადებით, ლტოლვილი ბავშვების ერთი სოფლიდან მეორეში, სკოლაში ტრანსპორტირების მიზნით, გამგეობა გარკვეულ ნაბიჯებს დგამს. „მომავალი წლის ადგილობრივ ბიუჯეტში თანხებს ვითვალისწინებთ. გარდა ამისა, გაეროს უმაღლესი კომისარიატი დაგვპირდა, რომ მიკროავტობუსებს გადმოგვცემენ“, - აღნიშნა გამგებელმა.
კახეთის საინფორმაციო ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
