ადვოკატთა ასოციაციის თავმჯდომარეობისთვის ორი კანდიდატი იბრძოლებს
23 დეკემბერი, 2009
ადვოკატთა ასოციაციის ახალი თავმჯდომარის არჩევნების პირველი ტური 20 დეკემბერს სპორტის სასახლეში ჩატარდა. ასოციაციის კრებას 1200-მდე ადვოკატი დაესწრო. ადვოკატთა ასოციაციის თავმჯდომარეობისთვის ქეთი ქვარცხავა, ნუგზარ ბირკაია, დავით ლანჩავა, ზაზა ხატიაშვილი, ლევან ჯოხაძე და მამუკა მდინარაძე იბრძოდნენ.
ადვოკატების ხმათა უმრავლესობა ქეთი ქვარცხავამ და ზაზა ხატიაშვილმა მიიღეს. ამასთან, ქეთი ქვარცხავას 558 ხმა ერგო, ხოლო ზაზა ხატიაშვილმა 443 ხმა დააგროვა. „ადვოკატურის შესახებ“ კანონის მოთხოვნით, გამარჯვებულის საბოლოო გამოსავლენად მეორე ტური უნდა ჩატარდეს.
„ამ არჩევნებზე ბევრი დარღვევა იყო, მაგალითად რეგისტრირებული იყო 1194 ადვოკატი ხოლო 147 ბიულეტენი ზედმეტი აღმოჩნდა. ჩვენ მივმართავთ საერთაშორისო და არასამთავრობო ორგანიზაციებს რათა არჩევნების მონიტორინგი მოხდეს“, - ამბობს ადვოკატი ზაზა ხატიაშვილი
არჩევნების მეორე ტურის ჩატარების თარიღი ჯერჯერობით უცნობია.
თაკო ხუციშვილი
ახალი ამბები
პოპულარული
სტატია
13 თებერვალი, 2024
სტატია
28 დეკემბერი, 2023
სტატია
13 დეკემბერი, 2023