ცხინვალელი ნოტარიუსი ახალგორში აგრძელებს ახალგორის რაიონის მოსახლეობის ქართული პირადობის მოწმობების რუსული ასლების დამოწმებას. ამის შესახებ ახალგორის მოსახლეობა იტყობინება.
„ვინაიდან დამოწმებული ასლების გარეშე რაიონში შემოსვლას ვეღარ შევძლებთ, ნოტარიულად დამოწმების მსურველი რაიონში საკმაოდ ბევრია. ამიტომ გადაწყვიტეს, რომ ცხინვალელი ნოტარიუსი მუშაობას დღესაც გააგრძელებს. ვამოწმებინებთ როგორც პირადობის მოწმობებს, ისე ბავშვების დაბადების მოწმობებს“, - განაცხადეს ახალგორელებმა.
მათივე ინფორმაციით, ქართული დოკუმენტების დამოწმებულ რუსულ ასლებს შეამოწმებენ როგორც რუსულ, ისე ოსურ ბლოკ-პოსტებზე.
„ამასთან, როგორც ამ პოსტებზე აცხადებენ, ნოტარიულად დამოწმებული ასლების ქონის შემთხვევაში, ახალგორის რაიონში შესვლას საქართველოს სხვა რაიონებისა და ქალაქების მაცხოვრებლებიც შეძლებენ“, - აცხადებენ ახალგორელები.
რუსი მესაზღვრეების მოთხოვნით, 20 იანვრიდან ახალგორის ადმინისტრაციულ საზღვარზე გადასვლისას რაიონის მოსახლეობამ ქართული პირადობისა და დაბადების მოწმობების ნოტარიულად დამოწმებული რუსული ასლები უნდა წარადგინონ. ამის მიზეზად რუსი სამხედროები და ცხინვალის რეჟიმი რუსი მესაზღვრეების მიერ ქართული ენის არცოდნას ასახელებენ.
„ინტერპრესნიუსი“
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
