07:46, Monday, 30.11.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პრეზიდენტი სააკაშვილი უკრაინულ სკანდალთან დაკავშირებით უშიშროების საბჭოს სხდომის გამართვას არ აპირებს

25.01.2010
საქართველოს პრეზიდენტი „ალიანსი საქართველოსთვის“ ლიდერის, ირაკლი ალასანიას მოთხოვნას არ ითვალისწინებს და უკრაინულ სკანდალთან დაკავშირებით უშიშროების საბჭოს სხდომის ჩატარებაზე უარს აცხადებს. როგორც ავლაბრის საპრეზიდენტო რეზიდენციაში გამართულ სპეციალურ ბრიფინგზე საქართველოს პრეზიდენტის პრეს-სპიკერმა, მანანა მანჯგალაძემ განაცხადა, „საქართველოს პრეზიდენტი მზად არის, უშიშროების საბჭოს სხდომები საქართველოს სახელმწიფოებრივ ინტერესებთან დაკავშირებით გამართოს. თუმცა, ალიანსის მოთხოვნის დაკმაყოფილებას არ აპირებს, რადგან ქართველი დამკვირვებლების თემას რიგი პოლიტიკური ძალები საკუთარი ვიწრო პოლიტიკური მიზნებისთვის წინასაარჩევნოდ იყენებენ“.

„უშიშროების საბჭოს სხდომა არაერთხელ ჩატარებულა ქვეყნისთვის სხვადასხვა მნიშვნელოვან საკითხებთან დაკავშირებით. თუმცა, პოლიტიკოსებს, რომლებიც ამჟამად სხდომის გამართვას ქართველ დამკვირვებლებთან დაკავშირებით ითხოვენ, წინა სხდომებში მონაწილეობა არ მიუღიათ. პრეზიდენტის ადმინისტრაცია მიიჩნევს, რომ ამ ძალების დღევანდელი მოთხოვნა სხვა არაფერია, თუ არა ქართველი დამკვირვებლების თემის წინასაარჩევნოდ გამოყენება. შესაბამისად, უშიშროების საბჭოს სხდომა არ გაიმართება“, - განაცხადა მანჯგალაძემ.

„ალიანსი საქართველოსთვის“ ხელისუფლებას უშიშროების საბჭოს გაფართოებული სხდომის ჩატარების მოთხოვნით მიმართავს. ალიანსის ლიდერის ირაკლი ალასანიას განცხადებით, „საზოგადოებას უკრაინის საპრეზიდენტო არჩევნებზე ქართველი დამკვირვებლების გაგზავნასთან დაკავშირებით სულ უფრო მეტი კითხვა უჩნდება, რაც იძლევა საფუძველს, უშიშროების საბჭოს სხდომა რაც შეიძლება, მალე დაინიშნოს და მაღალი რანგის თანამდებობის პირთა პასუხისმგებლობის საკითხი დადგეს“.

შეგახსენებთ, რომ უკრაინულმა მედიამ რამდენიმე დღის წინ ორი სატელეფონო საუბრის ფარული ჩანაწერები გამოაქვეყნა. ორივეში საუბარი ქართველ დამკვირვებლებს ეხება. უკრაინული მედიის მტკიცებით, პირველ ჩანაწერში საქართველოს შს მინისტრი ვანო მერაბიშვილი კიევში მყოფ პარლამენტის თავდაცვისა და უშიშროების კომიტეტის თავმჯდომარეს გივი თარგამაძეს უკრაინაში 2 ათასამდე კაცის ტრანსპორტირების ტექნიკურ საკითხებზე ესაუბრება, მეორეში კი თარგამაძე ქართველ დამკვირვებლებთან დაკავშირებულ საკითხებს ვინმე კონსტანტინესთან არკვევს.

საინფორმაციო სააგენტო „პირველი“

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC