კონსტანტინე გამსახურდია: „ზვიად გამსახურდია მოკლეს და მის ლიკვიდაციაში გარკვეული თანხაც გადაიხადეს“
საქართველოს პირველი პრეზიდენტი ზვიად გამსახურდია მოკლეს და მის ლიკვიდაციაში გარკვეული თანხაც გადაიხადეს. ამის შესახებ გამსახურდიას გარდაცვალების მიზეზების დამდგენი საპარლამენტო კომისიის ხელმძღვანელ კონსტანტინე გამსახურდიასა და საქართველოს თავდაცვის ყოფილ მინისტრ თენგიზ კიტოვანს შორის 25 იანვარს გამართულ შეხვედრაზე გახდა ცნობილი.
როგორც შეხვედრის დასრულების შემდეგ კონსტანტინე გამსახურდიამ განაცხადა, „ირკვევა, რომ გამსახურდიას თვითმკვლელობა სიმართლეს არ შეესაბამება და იგი მოკლეს“.
„დღევანდელი შეხვედრა ძალიან საინტერესო იყო, რომელზეც გაირკვა, რომ ზვიად გამსახურდია მოკლეს და მის წინააღმდეგ განხორციელებული დევნაც მაშინდელი ფაქტობრივი ხელისუფლების მიერ განხორციელდა. გაირკვა ასევე ისიც, რომ მის ლიკვიდაციაში გარკვეული თანხაც კი გადაიხადეს", - განაცხადა დეპუტატმა, თუმცა შეხვედრის დეტალების დაკონკრეტებისაგან თავი შეიკავა. თავად კიტოვანს კი შეხვედრის დასრულების შემდეგ კომენტარი არ გაუკეთებია.
კონსტანტინე გამსახურდია კომისიის წევრებთან - ბეჟან ხურციძესთან და ექსპერტის რანგში მიწვეულ მიხეილ ოსაძესთან ერთად რუსეთში ყოფილი ძალოვანი მაღალჩინოსნების - შოთა კვირაიას, თენგიზ კიტოვანის და „ინტერპოლის“ მიერ ძებნილი იგორ გიორგაძის მოსმენის მიზნით ჩავიდნენ.
საინფორმაციო სააგენტო „პირველი“
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
