03:07, Wednesday, 25.11.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

რადიო „ჰერეთი“ გურჯაანის გამგეობის თანამშრომელს ჟურნალისტისთვის მუშაობაში ხელის შეშლაში ადანაშაულებს

26.01.2010
რადიო „ჰერეთი“ გურჯაანის გამგეობის თანამშრომელს, მაია ბიტარაშვილს ჟურნალისტისთვის მუშაობაში ხელის შეშლაში ადანაშაულებს. რადიოს ინფორმაციით, ჩინოვნიკი თოქ-შოუს „ხმა“ კორესპონდენტს მადონა ბატიაშვილს ჯერ პირდაპირ ეთერში ჩართვის საშუალებას არ აძლევდა, ხოლო შემდეგ მოსახლეობას მოუწოდებდა, სტუდიაში მყოფი რაიონის გამგებლისთვის მხოლოდ მადლობა ეთქვათ.

მადონა ბატიაშვილი ყოველ შაბათს რადიო „ჰერეთის“ პირდაპირ ეთერში სატელეფონო ჩართვებს კახეთის სხვადასხვა ადგილიდან ახორციელებს. 23 იანვარს თოქ-შოუს განსახილველი თემა გურჯაანის რაიონის ოსურ სოფელში, ყიტაანში არსებული პრობლემები იყო. როგორც მადონა ბატიაშვილმა განაცხადა, რაიონული გამგეობის თანამშრომელი მას სწორედ ყიტაანში, პროფესიული მოვალეობის შესრულების დროს დაემუქრა.

ჩინოვნიკმა ჟურნალისტს ჯერ სოფლის დატოვება მოსთხოვა, შემდეგ გააფრთხილა, რომ მეორედ იქ აღარ ჩასულიყო, წინააღმდეგ შემთხვევაში, პრობლემები შეექმნებოდა.

„ვიდრე პირდაპირი ეთერი დაიწყებოდა და ხალხთან ერთად სტუდიას ჩავერთვებოდი, ადგილობრივები ყვებოდნენ, რომ მათ ხელისუფლება ყურადღებას  არ აქცევს და დაპირებებს არ ასრულებს. ყიტაანის რწმუნებულის სპეციალისტის, მაია ბიტარაშვილის გაღიზიანება და მუქარებიც სწორედ ამის შემდეგ დაიწყო. იგი ჩემთან შეკრებილ ადგილობრივებს მოუწოდებდა, რაიონის გამგებლისთვის, გიორგი ჩივიაშვილისთვის მადლობა გადაეხადათ და მისი საწინააღმდეგო პირდაპირ ეთერში არაფერი ეთქვათ. მან ჩართვის ადგილზე საკუთარი მხარდამჭერებიც მოიყვანა და განაცხადა, რომ ყველას ჰქონდა მობილური ტელეფონი, სტუდიაში დარეკავდნენ და თუ მოსახლეობა ხელისუფლებას გააკრიტიკებდა, მისი მხარდამჭერები გამგებელს მადლობას გადაუხდიდნენ. ამ ყველაფრის გამო პირდაპირი ჩართვის განხორცილება დათქმულ დროს ვერ მოხერდა. თუმცა, ჩართვა მაინც შედგა. მოსახლეობამ საკუთარ პრობლემებზე საუბრისგან  ნაწილობრივ თავი შეიკავა“, - ამბობს მადონა ბატიაშვილი.

თოქ-შოუს წამყვანის ხათუნა გოგაშვილის განცხადებით, ბოლო ორი თვის განმავლობაში პირდაპირი ჩართვების ჩაშლის მცდელობის ფაქტებმა მასობრივი სახე მიიღო. მისი თქმით, პირდაპირი  ეთერის ჩაშლის მცდელობები დაფიქსირდა სიღნაღის რაიონის სოფელ ვაქირში, მანამდე კი დედოფლიწყაროში, ველისციხესა და  თელავში.

ბრალდებას უარყოფს გურჯაანის მუნიციპალიტეტის გამგებელი გიორგი ჩივიაშვილი. გამგებლის განცხადებით, ის ესაუბრა მაია ბიტარაშვილს, რომელმაც ჟურნალისტზე ზეწოლის ფაქტი უარყო. „ვისაც საუბარი უნდოდა, გადაცემაში ყველა ჩაერთო და სოფელში არსებულ პრობლემებზე ღიად ისაუბრეს“, - განმარტა ჩივიაშვილმა.

კახეთის საინფორმაციო ცენტრი  

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC