06:19, Wednesday, 02.12.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გლდანის საპყრობილეში პატიმარი სცემეს

27.01.2010
გლდანის მე-8 საპყრობილეში ციხის ზედამხედველებმა პატიმარი დანიელ დენისევიჩი სცემეს. ამ ინფორმაციას „ადამიანის უფლებათა ცენტრის“ ადვოკატი  ეკა ქობესაშვილი ადასტურებს, რომელმაც 25 იანვარს პატიმარი პირადად მოინახულა.

„პატიმარს შუბლზე და თვალის არეში ჩალურჯებები ჰქონდა. მის ცემას კონკრეტული მიზეზი არ ჰქონია. უბრალოდ  სიტყვიერი შეურაცხყოფა მიაყენეს და როცა ამის მიზეზი იკითხა, ფიზიკურად გაუსწორდნენ. მას არ უნდოდა  ამ ფაქტის გახმაურება, მაგრამ როცა განვუმარტე, რომ ამაზე რეაგირება იყო საჭირო, დამთანხმდა“, - აცხადებს ეკა ქობესაშვილი.

დანიელ დენისევიჩი ქალაქ თბილისის საქალაქო სასამართლომ სისხლის სამართლის კოდექსის 260 მუხლის მე-2 ნაწილის „ა“ და „ე“ ქვეპუნქტების, ასევე -  273-ე მუხლის საფუძველზე  დამნაშავედ სცნო. მას ბრალად ნარკოტიკული საშუალების მოხმარება და დიდი ოდენობით შეძენა-შენახვა ედება.

თბილისის საქალაქო სასამართლოს 2009 წლის 7 დეკემბრის განაჩენით,  მსჯავრდებულს 9 წლით თავისუფლების აღკვეთა მიესაჯა.  2009  წლის 20 ნოემბრის  „ამნისტიის შესახებ“ საქართველოს კანონის 1.3 მუხლის თანახმად, დანიელ დენისევიჩს სსკ-ის 273-ე მუხლით   დანიშნული სასჯელი -1 წლით თავისუფლების აღკვეთა გაუნახევრდა და საბოლოო სასჯელის ზომად 8 წელი და 6 თვე მიესაჯა.  ამჟამად განაჩენი სააპელაციო სასამართლოშია გასაჩივრებული.

დანიელ დენისევიჩის ადვოკატის ინფორმაციით, ეს პატიმრის ცემის პირველი შემთხვევა არ არის. ფიზიკური შეურაცხყოფის ფაქტები ადრეც ყოფილა.

„ადამიანის უფლებათა ცენტრის“ ადვოკატი დახმარებისთვის სახალხო დამცველის აპარატს მიმართავს. ომბუდსმენის მონიტორინგის ჯგუფი კი პატიმრის მდგომარეობას ადგილზე უნდა გაეცნოს, რათა შესაბამისი რეაგირება მოახდინოს. „ადამიანის უფლებათა ცენტრი“ ამ ფაქტზე ინფორმაციას  საერთაშორისო ორგანიზაციებსაც მიაწვდის.

თაკო ხუციშვილი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ახალი კორონავირუსის გავრცელების გამო დაკარგეთ თუ არა სამსახური?
დიახ არა

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC