შვებულებაში მყოფი „ნაცმოძრაობის“ კანდიდატები ადმინისტრაციულ რესურსს იყენებენ
21 მაისი, 2010
„ნაციონალური მოძრაობის“ დეპუტატობის კანდიდატები, გურჯაანის საგანმანათლებლო რესურს-ცენტრის უფროსი ლალი გაბიტაშვილი და იურისტი დარეჯან ბურდიაშვილი, რომლებიც ოფიციალურად შვებულებაში არიან გასულები, სამსახურებრივ მოვალეობებს ასრულებენ და ადმინისტრაციულ რესურსებს იყენებენ.
ფაქტობრივად, ლალი გაბიტაშვილი კურირებს ექსტერნის გამოცდებს, რომელიც გურჯაანის რაიონის სოფელ ველისციხის საჯარო სკოლაში ტარდება. ამასთან, ლალი გაბიტაშვილი სარგებლობს სამსახურებრივი ტელეფონით, რესურსცენტრის ტექნიკით და ინტერნეტით.
ფოტოზე აღბეჭდილია, 20 მაისს, 17:30 საათზე, ლალი გაბიტაშვილი და დარეჯან ბურდიაშვილი როგორ მასპინძლობენ რესურს-ცენტრის ოფისში განათლების სამინისტროს თანამშრომლებს. როგორც რამდენიმე სკოლის დირექტორმა განაცხადა, ლალი გაბიტაშვილი ესწრება სკოლის დირექტორების თათბირებს და მათ მართველი პარტიის წინასაარჩევნო კამპანიასთან დაკავშირებით დავალებებს აძლევს.
ლალი გაბიტაშვილი წინასაარჩევნო კამპანიის მიზნებისთვის ადმინისტრაციული რესურსების გამოყენებას უარყოფს.
ახალი ამბები
პოპულარული
სტატია
13 თებერვალი, 2024
სტატია
28 დეკემბერი, 2023
სტატია
13 დეკემბერი, 2023