ლაგოდეხის საარჩევნო ოლქში კაბალის მე-18 საარჩევნო უბანზე „ადამიანის უფლებათა ცენტრის“ დამკვირვებელს ბაბულია შაოშვილს კომისიის წევრმა ფიზიკური შეურაცხყოფა მიაყენა. კომისიის თავმჯდომარე ადალათა სარდაროვმა და უბანზე მყოფმა ცესკო-ს წარმომადგენელმა დამკვირვებელს კენჭისყრის შენობაში გადაადგილება აუკრძალეს და მოსთხოვეს, ერთ ადგილზე იყოს გაჩერებული, წინააღმდეგ შემთხვევაში მას უბნიდან გარეთ გაძევებით ემუქრებიან.
„ადამიანის უფლებათა ცენტრი“ ცესკო-სგან ლაგოდეხის საარჩევნო ოლქში კაბალის საარჩევნო უბნებზე მყოფი დამკვირვებლების უსაფრთხოების უზრუნველყოფას ითხოვს. როგორც დამკვირვებლები იტყობინებიან, კაბალის საარჩევნო უბნებზე მათ საჩივრის დაწერის შემთხვევაში ფიზიკური ანგარიშსწორებით ემუქრებიან და ამის მცდელობა არაერთხელ ჰქონდათ.
გელა მთივლიშვილი, კახეთი