წნორის N10 საარჩევნო უბანზე მცხეთაში მცხოვრებმა ქალბატონმა ღარიბაშვილმა, მარიამ ღვედაშვილის სახელზე სცადა ხმის მიცემა. აღნიშნული დარღვევა ადამიანის უფლებათა ცენტრის დამკვირვებელმა მადონა ბატიაშვილმა დააფიქსირა, რის შესახებ საჩივარი დაწერა.
„მცხეთაში მცხოვრები მოქალაქე ღარიბაშვილი წნორის საარჩევნო უბანზე დღეს საღამოს 6 საათისთვის მოვიდა, თუმცა იგი საარჩევნო უბნიდან კანონიერად გააძევეს. რეგისტრატორმა კი სასტიკი საყვედური და გაფრთხილება მიიღო“, - განაცხადა საუბნო კომისიის თავჯდომარემ, თამარ ზედელაშვილმა.
კახეთის საინფორმაციო ცენტრი