ადამიანის უფლებათა ცენტრის" შეფასებით, "ის, რაც სამეგრელოსა და კახეთში ჩატარდა, არჩევნები არ იყო"
1 ივნისი, 2010
ადამიანის უფლებათა დაცვის ცენტრის აღამსრულებელი დირექტორის უჩა ნანუაშვილის შეფასებით, რომლის ორგანიზაციის დამკვირვებლები 30 მაისის არჩევნებს კახეთის აზერბაიჯანულენოვან სოფლებში და სამეგრელოში აკვირდებოდნენ, "ის, რაც ამ რეგიონში ჩატარდა, არჩევნები არ იყო". ორგანიზაციის ხელმძღვანელმა დღეს ჟურნალისტებს დაკვირვების შედეგები გააცნო და მის ხელთ არსებული დარღვევების დამადასტურებელი ვიდეომასალა წარუდგინა. კერძოდ, აღნიშნული ორგანიზაცია ამტკიცებს, რომ კახეთის აზერბაიჯანულენოვან სოფლებში და სამეგრელოს რეგიონში საარჩევნო უბნებზე და მათ მიმდენარე ტერიტორიაზე ყოველგვარი სამართლებრივი დასაბუთების გარეშე უნიფორმაში გამოწყობილი ძალოვანები პატრულირებდნენ. გარდა ამისა, ნანუაშვილის თქმით, უბნებზე დაფიქსირდნენ ამოუცნობი პირები, რომლებიც თავისუფლად გადაადგილდებოდნენ უშუალოდ უბნის ტერიტორიაზე და კონტაქტში შედიოდნენ კომისიის წევრებთან. "დაფიქსირდა ასევე ხმის მიცემის და დათვლის პროცედურული დარღვევები, ტექნიკური პრობლემები, რომელიც მარკირების აპარატს უკავშირდებოდა. ამასთან, იყო შემთხევები, როცა არჩევნებში სხვის მაგივრად არასრულწლოვანები მონაწილეობდნენ, რომლებიც უბნებზე სხვა პირების პირადობის მოწმობებით მიდიოდნენ" - აღნიშნა ორგანიზაციის ხელმძღვანელმა. განსაკუთრებული ყურადღება კი მან აზერბაიჯანულენოვან სოფლებში დაფიქსირებულ იმ უხეშ დარღვევაზე გაამახვილა, რომლის დროსაც აზერბაიჯანელებს მათ ენაზე "5" ნომრის შემოხაზვაზე მიუთითებდნენ. ადამიანის უფლებათა ცენტრი ცენტალური საარჩევნო კომისიისგან მის მიერ დაფიქსირებულ დარღვევებზე შესაბამის რეაგირებას მოითხოვს.
საინფორმაციო სააგენტო „პირველი“
ახალი ამბები
პოპულარული
სტატია
13 თებერვალი, 2024
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სტატია
28 დეკემბერი, 2023
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
სტატია
13 დეკემბერი, 2023
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
