თელავის რაიონული სასამართლოს მოსამართლე ნათელა ჯაშიაშვილმა „ალიანსი საქართველოსთვის“ წარმომადგენლის ზურაბ დანელიშვილის სარჩელი, გურჯაანის 47-ე საარჩევნო უბნის კენჭისყრის შედეგების ბათილად ცნობასთან დაკავშირებით, არ დააკმაყოფილა.
მოსამართლე სარჩელს 7 საათის განმავლობაში განიხილავდა. მოწმეებმა დაადასტურეს, რომ საარჩევნო ყუთების გახსნის შემდეგ საკონტროლო ფურცლებზე კომისიის წევრების ხელმოწერები არ იყო და ეს დამკვირვებლების აქტიურობას დააბრალეს.
„ყველა წვრილმანზე გვედავებოდნენ და გამოგვრჩა. ნერვები გვქონდა მოშლილი და დაგვავიწყდა“, - განაცხადა საარჩევნო უბნის თავმჯდომარემ, გულიკო როსტოშვილმა. დარღვევის დადასტურების მიუხედავად, მოსამართლემ სარჩელი არ დააკმაყოფილა. ჯაშიაშვილის განმარტებით, დარღვევას არჩევნების შედეგებზე გავლენა არ მოუხდენია.
კახეთის საინფორმაციო ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
