საგარეჯოს მუნიციპალიტეტის სოფელ ზემო ლამბალოში, მაჟორიტარული სისტემით, თვითმმართველობის არჩევნების განმეორებითი კენჭისყრა ჩატარდება. ამის შესახებ ინფორმაციას ცენტრალური საარჩევნო კომისია ავრცელებს.
ცესკოს თავმჯდომარის ზურაბ ხარატიშვილის განცხადებით, საგარეჯოს საარჩევნო ოლქის 46-ე და 47-ე საარჩევნო უბნები „ადამიანის უფლებათა ცენტრის“ მიერ გადაღებული ვიდეომასალის საფუძველზე გაუქმდა.
„თავდაპირველად ორგანიზაციამ საჩივრით საგარეჯოს საოლქო-საარჩევნო კომისიას მიმართა, თუმცა მტკიცებულებები არ იქნა წარმოდგენილი. მას შემდეგ რაც ბრიფინგზე წარადგინეს დარღვევების ამსახველი ვიდეომასალა, ცესკომ საკუთარი ინიციატივით შეისწავლა აღნიშნული საკითხი და მასალები გადააგზავნა საოლქო - საარჩევნო კომისიაში, რომელმაც ბათილად სცნო ამ ორი უბნის შედეგები“, - განაცხადა ხარატიშვილმა.
აღსანიშნავია, რომ წინა დღით „ადამიანის უფლებათა ცენტრმა“ ვიდეომტკიცებულებები საგარეჯოს საოლქო-საარჩევნო კომისიას წარუდგინა, მაგრამ კომისიის თავმჯდომარემ დოკუმენტაცია არ მიიღო.
ზემო ლამბალოში განმეორებითი კენჭისყრის ჩატარების თარიღი დაზუსტებული არ არის.
კახეთის საინფორმაციო ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
