09:51, Thursday, 21.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ოზურგეთის სამშობიარო სახლის ფანჯრიდან ქალი გადმოხტა

01.07.2010
ოზურგეთის სამშობიარო სახლიდან 37 წლის ქალი გადმოხტა და დაიღუპა, მანამდე კი მას პოლიციის თანამშრომლები იცავდნენ. ოზურგეთის მუნიციპალიტეტის სოფელ სილაურში მცხოვრები ორი შვილის დედა ერთი კვირის წინ ოზურგეთის სამშობიარო სახლში სასწრაფო დახმარების მანქანით გადაიყვანეს.

როგორც სამშობიარო სახლის მთავარი ექიმი, დავით მდინარაძე ამბობს, მას ძლიერი სისხლდენა აღენიშნებოდა. მართალია, ის და მისი ოჯახის წევრები ამბობდნენ, რომ ეს იყო ფიბრომული სისხლდენა, მაგრამ მედიცინის მუშაკები მაშინვე მიხვდნენ, რომ ქალი ნამშობიარევი იყო.

მისივე თქმით, ექიმები დაჟინებით თხოვდნენ ჭირისუფალს, გარდაცვლილი იქნებოდა თუ ცოცხალი, ახალშობილი ბავშვი საავადმყოფოში მოეყვანათ. უარის მიღების შემდეგ, ექიმები იძულებულნი გახდნენ, პოლიციისთვის დაერეკათ. პოლიციამაც გარდაცვლილის ოჯახში მამრობითი სქესის ახალშობილის გვამი აღმოაჩინა.

საავადმყოფოში მიყვანილ ქალს სასწრაფო ოპერაცია ჩაუტარდა. როგორც ექიმი მდინარაძე ამბობს, წუთებიც რომ დაგვიანებოდა, მას ვერ გადაარჩენდნენ. მისი ზოგადი მდგომარეობა დამაკმაყოფილებელი იყო. პირველივე დღიდან მწოლიარეს პოლიციელი იცავდა და 28 ივნისს უკვე უნდა გაეწერათ. თუმცა 27 ივნისს, იგი შენობის ფანჯრიდან გადმოხტა.

როგორც ირკვევა, იმ დღეს მასთან პოლიციის თანამშრომლები არ ყოფილან, მომვლელ ქალს კი პაციენტმა საპირფარეშოში შესვლა სთხოვა. ოთახიდან გასვლისთანავე პირველივე ფანჯარას მივარდა და გადახტა. იგი სასწრაფოდ გადაიყვანეს რეანიმაციულ განყოფილებაში, თუმცა მალევე დაიღუპა.

„ყოველწამს ვუსმენდით ფილტვებს, ექოსკოპიაც გავაკეთეთ, თუმცა მისი გადარჩენა შეუძლებელი გახდა. ხანდახან ჰქონდა შეგრძნებები, მაგრამ მალე გადავიდა უგონო მდგომარეობაში და გარდაიცვალა“, - ამბობს ექიმი ქეთევან მალაზონია.

მომხდარზე შსს გურიის სამხარეო პოლიციის პრესსამსახურში კომენტარს არ აკეთებენ. როგორც ექიმი დათო მდინარაძე ამბობს, მედიცინის მუშაკებმა ყველაფერი გააკეთეს, რომ ქალბატონისთვის სიცოცხლე ეჩუქებინათ. იგი საკმაოდ გამოჯანმრთელებული იყო, სიარულიც შეძლო, ჩვეულებრივ ურთიერთობდა მედპერსონალთან, მაგრამ ყველაფერი შემზარავად დასრულდა.

როგორც ამბობენ, ქალბატონი მოსალოდნელი პასუხისგების შიშმა აიტანა.  

შორენა ღლონტი, გურია
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC