23:36, Wednesday, 03.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გამოძალვის ბრალდებით დაპატიმრებული ქართველი ოპოზიციონერი ჟურნალისტი ოთხ-წლიანი პატიმრობის შემდეგ ციხიდან გაათავისუფლეს

01.09.2009
არსებობს ვარაუდი რომ მისი დაპატიმრობა ხელისუფლებისადმი კრიტიკულად განწყობილ მედიაზე ზეწოლის ნაწილი იყო.

ოთხშაბათს, საქართველოს ხელისუფლებამ ოთხწლიანი პატიმრობის შემდეგ ციხიდან გაათავისუფლა ჟურნალისტი შალვა რამიშვილი, რომელსაც ბრალი შანტაჟში ედებოდა.

ტელეკომპანია „202“-ის ყოფილი ჟურნალისტი და ერთ-ერთი მფლობელი შალვა რამიშვილი თავს უდანაშაულოდ მიიჩნევდა და ირწმუნებოდა, რომ ის  მხოლოდ იმიტომ დააპატიმრებს, რომ საქართველოს პრეზიდენტს, მიხეილ სააკაშვილს აკრიტიკებდა.

2005 წლის აგვისტოში, როცა რამიშვილი დააპატიმრეს ის პოპულარული პოლიტიკური თოქ-შოუს წამყვანი იყო. მას ბრალი მმართველი პარტიის დეპუტატის კობა ბექაურისგან 100 000 აშშ დოლარის გამოძალვის მცდელობის გამო წაუყენეს. სასამართლომ რამიშვილი დამნაშავედ ცნო და ოთხ-წლიანი პატიმრობა მიუსაჯა.

რამიშვილი და „202“-ის გენერალური დირექტორი დავით კოხრეიძე ესაუბრნენ კობა ბექაურს. საუბრის დროს ისინი პარლამენტის წევრს კორუფციაში ადანაშაულებდნენ. ჟურნალისტებმა ბექაურს ამ ფაქტის დასამალად  100 000 დოლარი მოსთხოვეს. ბექაურმა ჩუმად გადაიღო მათი საუბარი და შემდეგ სარჩელი შეიტანა სასამართლოში.

დავით კოხრეიძეს სამი წლით პატიმრობა მიესაჯა, თუმცა 2007 წელს ის შეიწყალეს.

„ადამიანის უფლებათა ცენტრმა“ საერთაშორისო პრესის ინსტიტუტს (IPI) განუმარტა, რომ რამიშვილმა შეწყალებაზე უარი იმ მოტივით განაცხადა, მისი მხრიდან შეწყალების თხოვნა უკვე გულისხმობს დანაშაულის აღიარებას

ადგილობრივი არასამთავრობო ორგანიზაციები, როგორიცაა „ადამიანის უფლებათა ცენტრი“, ასევე საერთაშორისო ორგანიზაციები, როგორიცაა ადამიანის „უფლებათა საერთაშორისო ფედერაცია“ აცხადებენ რომ რამიშვილის ბრალდება უკანონოა.

„შალვა რამიშვილის საქმის შესწავლის შემდეგ დავადგინეთ რომ ის პოლიტიკური პატიმარია“, - განაცხადა „ადამიანის უფლებათა ცენტრის“ იურისტმა ანა ნაცვილიშვილმა. „რამიშვილის გისოსებს მიღმა რამოდენიმე წლით მოთავსება, ერთ-ერთი პირველი ნიშანი იყო იმის, რომ საქართველოს ხელისუფლებას ჰქონდა შორსმიმავალი გეგმა, კანონის საბურველის გამოყენებით დაეშალა ოპოზიციურად განწყობილი მედიასაშუალებები და გაეჩუმებინა მისდამი კრიტიკულად განწყობილი ადამიანები“.

2006 წლის ოქტომბერში ტელეკომპანია „202“-მა მაუწყებლობა შეწყვიტა.

„ზუსტი გარემოებები რამაც რამიშვილის დაპატიმრებამდე მიგვიყვანა კვლავ გაურკვეველი რჩება“, - განაცხადა საერთაშორისო პრესის ინსტიტუტის დირექტორის მოადგილე ალისონ ბეტელ მაკკენზიმ, - „უნდა ითქვას ისიც, რომ ყოველთვის, როცა ხელისუფლებისადმი კრიტიკულად განწყობილი ცნობილი ჟურნალისტის გაჩუმება ასეთი საეჭვო გზებით ხდება, ჩნდება ეჭვი, რომ ხელისუფლების საქციელი რეალურად მედიის შევიწროებისკენ იყო მიმართული“.

საერთაშორისო პრესის ინსტიტუტი: გლობალური ქსელი თავისუფალი მედიისთვის

საერთაშორისო პრესის ინსტიტუტი არის საერთაშორისო ორგანიზაცია, რომელიც პრესის თავისუფლების განვითარებისა და დაცვის სფეროში მუშაობს. ორგანიზაციის მიზანია აზრისა და გამოხატვის თავისუფლების დაცვა, ახალი ამბებისა და ინფორმაციის თავისუფალი გავრცელების ხელშეწყობა და ჟურნალისტების პროფესიული ზრდის ხელშეწყობა

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC