უმუშევართა არმია იზრდება

სექტემბერში უმუშევართა რაოდენობა კიდევ 40 ათასით გაიზრდება. ამ ინფორმაციას „ბიზნეს-რეზონანსი“ აქვეყნებს. გამოცემის ცნობით, საბიუჯეტო ორგანიზაციებში დასაქმებულთა ნაწილს შემცირებები უკვე შეეხო. უახლოეს მომავალში სკოლებიდან 25-30 ათასი პედაგოგის გათავისუფლება იგეგმება. "საქართველოს რკინიგზაში " 5 ათასი ადამიანი უმუშევარი დარჩება. გაათავისუფლებენ რამდენიმე სამინისტროს და დეპარტამენტის თანამშრომლებსაც, რაც საერთო ჯამში სამსახურის გარეშე დამატებით 40 ათასი ადამიანის დატოვებას ნიშნავს.

ამავე ცნობის თანახმად, ფინანსთა და ეკონომიკის სამინისტროებში რეორგანიზაცია უკვე დაიწყო, რასაც ამ უწყებებში კატეგორიულად უარყოფენ. ინფორმაციისთვის: „ენ-დი-აის“ კვლევით, საქართველოში მოსახლეობის 71% მთავარ პრობლემად სწორედ უმუშევრობას ასახელებს. „საქსტატის“ მონაცემებით კი უმუშევართა რაოდენობა 17%–ია.

კომერსანტი