08:11, Monday, 30.11.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

დაღუპულთა ნათესავები ცხინვალში სამძიმარზე არ დაუშვეს

28.07.2010

19 ივლისს ტრანსკავკასიურ მაგისტრალზე მომხდარ ავტოკატასტროფაში დაღუპულები ცხინვალში დაკრძალეს. ამ შემთხვევას 11 ადამიანი, მათ შორის ორი ბავშვი ემსხვერპლა.

ტრაგედიიდან რამდენიმე წუთში დაღუპულთა ოჯახებს სამძიმარი ქართულმა მხარემ გამოუცხადა. არასამთავრობო ორგანიზაციამ „მეგობრობის ხიდი - ქართლოსი“ მხარეებს მოუწოდა დაღუპულთა ნათესავებისთვის სამძიმრის სათქმელად ცხინვალში ჩასვლის უფლება მიეცათ. ცხინვალიდან დევნილ, ამჟამად თბილისში მცხოვრებ ბადრი ჭამპურიძეს ავტოკატასტროფაში ბიძაშვილი, 10 წლის მარი მაისურაძე დაეღუპა. იქვე მარის დედა, მადინა ჯიოევაც გარდაიცვალა. ჭამპურიძეების ოჯახმა ცხინვალში გამგზავრების სურვილი პირველივე დღეს გამოთქვა, მაგრამ სურვილი სურვილად დარჩა.

ბადრი ჭამპურიძეს პრობლემის მოგვარებაში, „მეგობრობის ხიდი - ქართლოსის“ ხელმძღვანელი მეგი ბიბილური ეხმარებოდა. დაიწყო მოლაპარაკება ქართულ და ოსურ მხარეებთან. შუამავლად და ნათესავების ცხინვალში უსაფრთხო გადაადგილებისთვის საქმეში წითელი ჯვრის საერთაშორისო კომიტეტიც ჩაერთო, მაგრამ საბოლოოდ ცხინვალში არ აღმოჩნდა ადამიანი, ვინც ნებართვას გასცემდა. როგორც ცნობილია, დე ფაქტო რესპუბლიკის მთავრობის დიდი ნაწილი ამჟამად ვენესუელაში იმყოფება, ცხინვალში დარჩენილმა მოხელეებმა კი გადაწყვეტილება საკუთარ თავზე ვერ აიღეს. მეგი ბიბილურის აზრით, რიგითი ადამიანები პოლიტიკური ინტერესების მსხვერპლნი არ უნდა ხდებოდნენ და მხარეებმა რაც შეიძლება სწრაფად უნდა დაიწყონ ჰუმანიტარული პრობლემების მოგვარება.

ბადრი ჭამპურიძე იმედს არ კარგავს, რომ უახლოეს პერიოდში ცხინვალში ჩასვლის და ნათესავებისთვის სამძიმრის თქმის საშუალება მიეცემა. მხარეებს ჰუმანიტარული პრობლემების მოგვარებისკენ ქართულ-ოსურ სამოქალაქო ფორუმის წევრებმაც მიმართეს. ფორუმის წარმომადგენლები ჟენევის დისკუსიის მონაწილეებს ურჩევენ მოქალაქეებისთვის თავისუფალი გადაადგილების შეზღუდვის მოხსნას, რათა ნათესავებს ერთმანეთის.

გოგა აფციაური, რადიო „თავისუფლება“

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ახალი კორონავირუსის გავრცელების გამო დაკარგეთ თუ არა სამსახური?
დიახ არა

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC