15:29, Saturday, 05.12.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

კულუმბეგოვის მტკიცებით, იგი ქართველმა სამხედროებმა გაცვლის მიზნით გაიტაცეს

28.07.2010
ე.წ. სამხრეთ ოსეთის მოქალაქის მიხეილ კულუმბეგოვის მტკიცებით, იგი ქართველმა სამხედროებმა გაცვლის მიზნით გაიტაცეს. კულუმბეგოვის მონათხრობს სააგენტო „რესი“ ავრცელებს .

ზნაურის რაიონის სოფელ გვირგვინას მცხოვრები კულუმბეგოვი აცხადებს, რომ დილის 05:00 საათზე მის სახლში შეიარაღებული ქართველები შეიჭრნენ და გაიტაცეს.

„ქართულ სოფელ დვანში მიმიყვანეს, იქ ერთი ავტომობილი მოვიდა, რომელშიც შეიარაღებული ქართველი იჯდა. როგორც მივხვდი, იგი დანარჩენების უფროსი იყო. მის ავტომობილში გადამსვეს და ქართული სოფლის – დირბის მიმართულებით წამიყვანეს. იქ ისინი დიდ ხანს ლაპარაკობდნენ, სადღაც რეკავდნენ. ვთხოვდი მათ, არ მოვეკალი, რაზეც მიპასუხეს, რომ არაფერს დამიშავებდნენ და მხოლოდ მათ მეგობარზე გასაცვლელად გამიტაცეს, რომელიც თითქოსდა, ოსურ მხარეს ჰყავს დაკავებული“, - განაცხადა კულუმბეგოვმა.

მისივე თქმით, ერთმანეთში ხანგრძლივი მოლაპარაკებების შემდეგ ქართველებმა სოფელ ტახტიძირში მიიყვანეს, გაათავისუფლეს და უთხრეს, რომ სახლში თავად წასულიყო. „იქიდან ფეხით წამოვედი. ჩემს სახლამდე ორი კილომეტრი გავიარე“, - აცხადებს კულუმბეგოვი.

კულუმბეგოვის დაკარგვის შესახებ ინფორმაცია 27 ივლისს დილიდან გავრცელდა. ცხინვალის რეჟიმი მის გატაცებაში ქართულ მხარეს ადანაშაულებს. მოგვიანებით ოსურმა მხარემ ქართველი სამხედროები ასევე დაადანაშაულა იმ ოსი ჟურნალისტებისთვის ცეცხლის გახსნაში, რომლებიც სოფელ გვირგვინაში კულუმბეგოვის გატაცების შესახებ სიუჟეტს იღებდნენ. ქართულ მხარეს აღნიშნულ ბრალდებებთან დაკავშირებით კომენტარი არ გაუკეთებია.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC