„ადამიანის უფლებათა ცენტრი“ გურჯაანის პროკურატურას კაბალში არჩევნების გაყალბების საქმის გამოუძიებლობაში ადანაშაულებს

არასამთავრობო ორგანიზაცია „ადამიანის უფლებათა ცენტრი“ გურჯაანის რაიონულ პროკურატურას, ლაგოდეხის რაიონის სოფელ კაბალში, 2010 წლის 30 მაისის ადგილობრივი თვითმმართველობის არჩევნების გაყალბების საქმის გამოუძიებლობაში ადანაშაულებს.

უფლებადაცვითი ორგანიზაციის იურისტის ლია ხუროშვილის განცხადებით, პროკურატურამ მათ მიერ წარდგენილი განცხადებისა და მასალების საფუძველზე გამოძიება 2010 წლის 3 ივნისს დაიწყო, მაგრამ გამოძიებას მოწმეები დღემდე არ დაუკითხავს.

„ადამიანის უფლებათა ცენტრის“ ინფორმაციით, ორგანიზაციის დამკვირვებლებმა დააფიქსირეს საარჩევნო ყუთებში ბიულეტენების ჩაყრის, ერთი და იგივე ამომრჩევლის მიერ რამდენჯერმე ხმის მიცემის, არჩევნებში საზღვარგარეთ წასული პირების მონაწილეობის და სხვა ფაქტები.

სისხლის სამართლის საქმე სსკ-ის 164 მესამე პრიმა მუხლით არის აღძრული.