08:45, Monday, 30.11.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

დედა, რომელსაც სამივე შვილი წაართვეს, სიღნაღის სასამართლოსთან შიმშილობის დაწყებას აპირებს

23.07.2010
სიღნაღის რაიონის დაბა წნორში მცხოვრები ნინო ქემაშვილი, რომელსაც სოციალური მომსახურების სააგენტოს სიღნაღის განყოფილებამ, რაიონული სასამართლოს განჩინებით სამივე ბავშვი წაართვა, სიღნაღის სასამართლოს შენობასთან, პროტესტის ნიშნად, შიმშილობის დაწყებას აპირებს.

„6 წლის ანა და 3 წლის მიხეილ აბეწვაშვილები, სააგენტოს თანამშრომლებმა, ოჯახის თანხმობის გარეშე თბილისის ჩვილ ბავშვთა სახლში გასულ წელს გადაიყვანეს, ამჟამად კი დავა მესამე ბავშვზეა, 1 წლის გიორგი აბეწვაშვილზე. სასამართლომ უკვე მიიღო გადაწყვეტილება, რომლითაც დედას მესამე ბავშვიც უნდა წაართვან. ეს ბავშვები მე გავაჩინე, როგორც შემიძლია ვზრდი, რატომ მაგლეჯენ ამ ბავშვებს, არ ვიცი. ალბათ, იმიტომ, რომ ერთხელ ბავშვის გაყიდვა შემომთავაზეს და უარი ვთქვი. ჩემმა ადვოკატმა სასამართლოს თავმჯდომარე ხვიჩა კიკილაშვილს გადაწყვეტილების გაუქმების მოთხოვნით მიმართა, მაგრამ მოსამართლემ ჩვენი თხოვნა არ დააკმაყოფილა. ამიტომაც სასამართლოს შენობასთან შიმშილობას დავიწყებ და უსამართლობა რომ არის, კიბეებზე მოვკვდები შიმშილისგან“, - განუცხადა ნინო ქემაშვილმა კახეთის საქინფორმაციო ცენტრს.

სიღნაღის სოციალური მომსახურების ცენტრში განმარტავენ, რომ საცხოვრებლად არასაკმარისი პირობების გარდა, დედა ბავშვებზე ძალადობდა, რაც მოზარდების ბავშვთა სახლში გადაყვანის მიზეზი გახდა. ცენტრის უფროსი ზურაბ ზურაბაშვილი კატეგორიულად უარყოფს აბეწვაშვილების ბრალდებას იმასთან დაკავშირებით, რომ თითქოს ცენტრის თანამშრომელმა დედას ბავშვის გაყიდვა შესთავაზა.

აბეწვაშვილების მეზობლები არ ადასტურებენ ინფორმაციას დედის მიერ ბავშვებზე ძალადობის თაობაზე.

კახეთის საინფორმაციო ცენტრი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC