09:53, Thursday, 02.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პოლიციელების მიერ ნაცემი ახალგაზრდის ოჯახი გამოძიებას არაობიექტურობაში ადანაშაულებს

13.08.2010
სიღნაღის რაიონის დაბა წნორში მცხოვრები ბაგალიშვილების ოჯახი სიღნაღის პროკურატურას არაობიექტურობაში ადანაშაულებს. როგორც კახეთის საინფორმაციო ცენტრს გურამ ბაგალიშვილმა განუცხადა, მისი შვილი სიღნაღის პოლიციის თანამშრომლებმა ლევან ხარატიშვილმა და ოთარ თოფჩიშვილმა სასტიკად ცემეს, რის შედეგადაც სხეულის დაზიანებები მიიღო, მოძალადეები კი ამ დრომდე დაუსჯელები არიან.

„ხარატიშვილმა და თოფჩიშვილმა ჩემი შვილი 23 წლის გურამ ბაგალიშვილი 2010 წლის 1 იანვარს სასტიკად ცემეს. ცეცხლსასროლი იარაღის ჩარტყმით თავი სამ ადგილას გაუტეხეს. ყველა მტკიცებულება გვაქვს, რითაც დასტურდება, რომ პოლიციის თანამშრომლების მხრიდან ადგილი ჰქონდა ხულიგნობას, ცემას და სამსახურებრივი უფლებამოსილების ბოროტად გამოყენებას, თუმცა პროკურატურა მათ პასუხისგებაში არ აძლევს“, - ამბობს დაზარალებულის მამა.

სიღნაღის პროკურატურის ცნობით, მომხდართან დაკავშირებით გამოძიება სსკ-ის 332-ე მუხლით მიმდინარეობს. პოლიციის თანამშრომლები პირადი განცხადებების საფუძველზე გათავისუფლებულები არიან სიღნაღის პოლიციიდან.

უნდა აღინიშნოს, რომ სიღნაღის პოლიციის თანამშრომლების მხრიდან ეს მოქალაქეების სასტიკად ცემის პირველი ფაქტი არ არის. ცოტა ხნის წინ, სიღნაღის პოლიციის უფროსის მოადგილემ ოთარ დიღმელაშვილმა მოქალაქე გელა კუტიბაშვილი ისე ცემა, რომ მას 12 კბილი და ყბის ძვალი ჩაუმტვრია, რის შემდეგაც პოლიციისთვის წინააღმდეგობის გაწევის ბრალდებით დააკავა. კუტიბაშვილის არაერთი საჩივრის მიუხედავად, დიღმელაშვილი დააწინაურეს და რაიონული სამმართველოდან სამუშაოდ შს კახეთის სამხარეო მთავარ სამმართველოში გადაიყვანეს.

კახეთის საინფორმაციო ცენტრი       
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC