22:50, Thursday, 04.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მელორ ვაჩნაძემ და ვახტანგ მაისაიამ შიმშილობა დაიწყეს

18.08.2010
მელორ ვაჩნაძემ და ვახტანგ მაისაიამ 17 აგვისტოდან შიმშილობა დაიწყეს. ამის შესახებ მოძრაობა „არა“-ს ხელმძღვანელი ლევან ჩიტაძე აცხადებს. მისი თქმით, გლდანის საპყრობილეში დღეს შესული იყო ეკა ბესელიას საადვოკატო კომპანიის იურისტი, რომელმაც შიმშილობის დაწყების ფაქტი დააფიქსირა.

„მელორ ვაჩნაძე პოლიტიკური და რელიგიური ნიშნით დაპატიმრებულთა გათავისუფლებასა და საპყრობილეში თავისუფალი ბეჭდური მედიის შეტანაზე აკრძალვის მოხსნას ითხოვს. ასევე, მისი მოთხოვნაა, საქართველოში აკრედიტებულ არასამთავრობო ორგანიზაციებს ციხეში შესვლის და მონიტორინგის განხორციელების საშუალება მიეცეთ", - განაცხადა ჩიტაძემ.

მისივე თქმით, ამ მოთხოვნებს ვახტანგ მაისაიაც იზიარებს და შესაბამისად შიმშილობის აქციას ისიც შეუერთდა.

როგორც ჩიტაძემ განაცხადა, იმ შემთხვევაში, თუ ხელისუფლება აღნიშნული მოთხოვნებიდან ნაწილის შესრულებას მაინც არ დაიწყებს, პირველი სექტემბრიდან ყველა ადმინისტრაციულ შენობასთან აქციები დაიწყება.

ჩიტაძის თქმით, მელორ ვაჩნაძის მიერ შიმშილობის დაწყების შესახებ მათ უკვე აცნობეს გაეროს, ევროკავშირისა და საქართველოში აკრედიტებული დიპლომატიური კორპუსის წარმომადგენლებს.

ოპოზიციური მოძრაობა - „შემოგვიერთდით“ ხელმძღვანელი მელორ ვაჩნაძე ოპოზიციის 9 აპრილის მიტინგების დროს დააკავეს. მას მსჯავრი თაღლითობაში დაედო და 4-წლიანი პატიმრობა მიესაჯა. სამხედრო ექსპერტი, ვახტანგ მაისაია კი 2009 წლის 5 მაისს - ე. წ. მუხროვანის ამბოხების დღეს დააკავეს და ბრალად ჯაშუშობა წაუყენეს.

ინტერპრესნიუსი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC