02:13, Monday, 01.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

შეწყალებულ პატიმართა შორის ეკა ბესელიას ძმა და ძებნილი შვილიც არიან

30.08.2010
მარიამობის დღესასწაულთან დაკავშირებით შეწყალებულ პატიმართა შორის ეკა ბესელიას ძმა, სერგო ბესელია და ძებნილი ვაჟი რატი მილორავაც არიან. ამის შესახებ სერგო ბესელიას ადვოკატმა, ლილი გელაშვილმა განაცხადა. მისი თქმით, ბესელიასა და მილორავას შეწყალება პროკურატურის ინციატივით მოხდა.

„მართალია, მილორავა ძებნილი იყო, მაგრამ შეწყალება პრეზიდენტის იმპერატიული ნებაა და ამ შემთხვევაში შეწყალება რატი მილორავასაც შეეხო. ინიციატივა პროკურატურის მხრიდან წამოვიდა. მილორავაზე გაუქმდა ძებნა და მთლიანად სასჯელი – მას 1,6 წლიანი პატიმრობა ჰქონდა მისჯილი. ასევე, მთლიანად გაუქმდა სერგო ბესელიას სასჯელიც. რაც შეეხება სამართლებრივ პროცედურას ძებნილის შეწყალებასთან დაკავშირებით, ხელისუფლებისთვის, როგორც დაპატირების, ისე შეწყალების დროს გადამწყვეტი მნიშვნელობა არა სამართლებრივ ნორმებს, არამედ პოლიტიკურ ნებას აქვს. ამდენად, ხელისუფლება თავად წყვეტს, ვინ დააპატიმროს ან გაათავისუფლოს“, - აღნიშნა გელშვილმა.

ადვოკატის ინფორმაციით, ბესელიასა და მილორავას გათავისუფლებას საქართველოს ხელისუფლებისგან საერთაშორისო ორგანიზაციები ითხოვდნენ.

„მოთხოვნის შესახებ ჩვენთვის ცნობილი იყო, მაგრამ არ მოველოდით, რომ ხელისუფლება ამ მოთხოვნას შეასრულებდა. წუხელ კი, სრულიად მოულოდნელად შევიტყვეთ, რომ ბესელია და მილორავა შეწყალებულთა სიაში არიან“, - განაცხადა გელაშვილმა.

მისივე ინფორმაციით, თავად ეკა ბესელია გეგუთში გაემგზავრა, სადაც მისი ძმა იხდიდა სასჯელს. გელაშვილის თქმით, ეკა ბესელია ძმისა და შვილის შეწყალებასთან დაკავშირებით განცხადებას, სავარაუდოდ, ხვალ გააკეთებს.

მარიამობის დღესასწაულთან დაკავშირებით პრეზიდენტმა 240 პატიმარი შეიწყალა. მათგან 211 პატიმარი სასჯელისგან გათავისუფლდა, 27-ს სასჯელი გაუნახევრდა, ხოლო ორს სასჯელი შეუმცირდა.

ინტერპრესნიუსი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC