საქართველოს უზენაესი სასამართლოსა და გაეროს განვითარების პროგრამის „სასამართლო ხელისუფლების მხარდაჭერის“ პროექტის ფარგლებში ახალი ვებ - გვერდი
www.msajuli.ge შეიქმნა. ვებგვერდის მეშვეობით დაინტერესებულ პირებს საშუალება აქვთ მოიძიონ ინფორმაციები როგორც თანამედროვე ქართული, ასევე უცხოური მოდელებისა და პრეცედენტების შესახებ.
„ნაფიც მსაჯულთა სასამართლო ახალი ინსტიტუტია ქართულ სასამართლო სისტემაში. ამიტომ ვებგვერდის მეშვეობით ინფორმაციის მაძიებლებს შეუძლიათ ბევრი საინტერესო ცნობა მოიპოვონ, როგორც ქართული მთის სამართლის, ასევე მე-19 საუკუნისა და პირველი დამოუკიდებელი ქართული სახელმწიფოს დროს არსებული ნაფიც მსაჯულთა სასამართლოს შესახებ“, - განაცხადეს საქართველოს უზენაეს სასამართლოში.
ვებ-გვერდზე ასევე განთავსებულია ინფორმაციები ნაფიც მსაჯულთა სასამართლოს შემოღებასთან დაკავშირებით ჩატარებული კვლევებისა და სასამართლოს მიერ წარმოებული სხვადასხვა აქტივობების შესახებ.
კახეთის საინფორმაციო ცენტრი