18:44, Thursday, 18.07.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ლადო ვარძელაშვილი გუბერნატორობის დროს ყოველთვიურად 3000 ლარამდე პრემიას იღებდა

30.11.2010

სოციალურ ქსელებში „ადამიანის უფლებათა ცენტრის“ ჟურნალისტმა, საბა წიწიკაშვილმა  გამოაქვეყნა დოკუმენტაცია, რომლის მიხედვითაც, შიდა ქართლის გუბერნატორობის დროს ლადო ვარძელაშვილი 2009 წლის განმავლობაში, ყოველთვიურად 3 000 ლარამდე პრემიას იღებდა.

2009 წლის 20 იანვრით დათარიღებულ გუბერნატორის განკარგულებაში, რომელსაც ბეჭედი და ხელმოწერაც აქვს, ვარძელაშვილი 2009 წლის განმავლობაში, ყოველთვიურად 2 950 ლარის ოდენობის პრემიას საკუთარ თავს უნიშნავს.

ამავე სოციალურ ქსელში კიდევ ერთი დოკუმენტი გამოქვეყნდა, რომლის თანახმადაც, ვარძელაშვილმა თავის თავს სახელმწიფო ბიუჯეტიდან ყოველთვიურად 1000 ლარი გამოუყო მობილური ტელეფონის ბალანსის შესავსებად.

აღნიშნული დოკუმენტი 2009 წლის პირველი აგვისტოთი არის დათარიღებული.
ლადო ვარძელაშვილი მაროკოში იმყოფება და მასთან დაკავშირება ვერ ხერხდება.

როგორც „ინტერპრესნიუსს“ მის ამჟამინდელ სამსახურში, სპორტისა და ახალგაზრდულ საქმეთა სამინისტროში განუცხადეს, მინისტრი მაროკოდან კვირის ბოლოს დაბრუნდება და აღნიშნულ საკითხზე, სავარაუდოდ, რეაგირებას მოახდენს.

საბა წიწიკაშვილმა გუბერნატორისა და სამხარეო ადმინისტრაციის მაღალჩინოსნების პრემიების თემას ერთი წლის წინ ვრცელი ჟურნალისტური გამოძიება უძვნა, რომელიც humanrights.ge-ზეც გამოქვეყნდა (იხ. http://humanrights.ge/index.php?a=main&pid=8008&lang=geo).

ამჯერად, საბა წიწიკაშვილს მზადა აქვს კიდევ ერთი ჟურნალისტური გამოძიება, სადაც შიდა ქართლის გუბერნატორის პოსტზე ლადო ვარძელაშვილის საქმიანობის სხვა დეტალებია განხილული. ეს სტატია humanrights.ge-ზე უახლოეს დღეებში გამოქვეყნდება.

ადამიანის უფლებათა ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

სიკვდილით სავსე ქალაქი
ჩაიცვით საუკეთესო ტანსაცმელი. კარგად დახედეთ ბავშვებს და ჩაეხუტეთ. მოიკითხეთ დედა. დაურეკეთ მეგობრებს. გადახედეთ სახლის საბუთებს, ხომ წესრიგშია. თქვენ მალე მოკვდებით. თქვენ მოკვდებით ავარიაში.
ვრცლად...
უგზო-უკვლოდ დაკარგულები - „არ დამივიწყო!“
კუდები გვაკვირვებს
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC