თბილისის №149-ე საჯარო სკოლის დირექტორი მაია გიორგაძე და მისი ადვოკატი ყველა იმ დოკუმენტის სათანადოდ გადახედვას ითხოვენ, რომლის საფუძველზეც განათლების მინისტრმა დირექტორის თანამდებობიდან გათავისუფლების საკითხი დააყენა.
აღნიშნული მოთხოვნა მაია გიორგაძის ადვოკატმა რევაზ რიჟამაძემ დღეს, №149-ე სკოლის სამეურვეო საბჭოს სხდომაზე დააყენა. ადვოკატის განცხადებით, ის უნდობლობას უცხადებს განათლების სამინისტროს გენერალური ინსპექციის დასკვნას და იქ მოტანილ არგუმენტებს, რომლის მიხედვითაც დაიწერა მინისტრის ბრძანება, რომ სკოლის სამეურვეო საბჭომ დირექტორის გადაყენების საქმე განიხილოს.
ადვოკატის თქმით, ობიექტური გადაწყვეტილების მისაღებად და იმისთვის, რომ საბჭოს მიეცეს ნორმალურად მუშაობისა და ობიექტური დასკვნების გამოტანის შესაძლებლობა, საჭიროა მეტი დოკუმენტაციის განხილვა. რევაზ რიჟამაძე პირველ რიგში მოითხოვს, დაიდოს სამინისტროს ინსპექციის მიერ გამოკვლეული სრული მასალა. გარდა ამისა, მტკიცებულებების სახით წარმოდგენილი იყოს სკოლის ბუღალტერიის დოკუმენტაცია და სახელმწიფო შესყიდვების სააგენტოს 2008-2010 წლების დოკუმენტაცია, რომელიც №149-ე სკოლას ეხება.
სამეურვეო საბჭოს დღევანდელ სხდომაზე ასევე ცნობილი გახდა, რომ სკოლის დირექტორი მაია გიორგაძე გაფიცვას აცხადებს. დირექტორი პოსტს ინარჩუნებს, თუმცა პროტესტის ნიშნად მოვალეობას არ შეასრულებს. დირექტორის ადვოკატი გაფიცვის გამოცხადების მიზეზად მისი დაცვის ქვეშ მყოფის მიმართ განხორციელებულ ზეწოლას და მუქარას ასახელებს. მაია გიორგაძე აცხადებს, რომ მას განათლების სამინისტროს წარმომადგენლები ჯერ კიდევ ნოემბრის პირველი რიცხვებიდან აშანტაჟებენ, როცა მე-12 კლასელების საპროტესტო აქციები იმართებოდა.
№149-ე სკოლის სამეურვეო საბჭომ ადვოკატის შუამდგომლობებს მხარი დაუჭირა. შესაბამისად, საბჭო განათლების მინისტრ დიმიტრი შაშკინის ბრძანების საფუძველზე დირექტორის გათავისუფლების საკითხის განხილვას მხოლოდ მას შემდეგ გააგრძელებს, რაც ადვოკატის მიერ დღეს დაყენებული მოთხოვნები დაკმაყოფილდება.
აღნიშნული მოთხოვნა მაია გიორგაძის ადვოკატმა რევაზ რიჟამაძემ დღეს, №149-ე სკოლის სამეურვეო საბჭოს სხდომაზე დააყენა. ადვოკატის განცხადებით, ის უნდობლობას უცხადებს განათლების სამინისტროს გენერალური ინსპექციის დასკვნას და იქ მოტანილ არგუმენტებს, რომლის მიხედვითაც დაიწერა მინისტრის ბრძანება, რომ სკოლის სამეურვეო საბჭომ დირექტორის გადაყენების საქმე განიხილოს.
ადვოკატის თქმით, ობიექტური გადაწყვეტილების მისაღებად და იმისთვის, რომ საბჭოს მიეცეს ნორმალურად მუშაობისა და ობიექტური დასკვნების გამოტანის შესაძლებლობა, საჭიროა მეტი დოკუმენტაციის განხილვა. რევაზ რიჟამაძე პირველ რიგში მოითხოვს, დაიდოს სამინისტროს ინსპექციის მიერ გამოკვლეული სრული მასალა. გარდა ამისა, მტკიცებულებების სახით წარმოდგენილი იყოს სკოლის ბუღალტერიის დოკუმენტაცია და სახელმწიფო შესყიდვების სააგენტოს 2008-2010 წლების დოკუმენტაცია, რომელიც №149-ე სკოლას ეხება.
სამეურვეო საბჭოს დღევანდელ სხდომაზე ასევე ცნობილი გახდა, რომ სკოლის დირექტორი მაია გიორგაძე გაფიცვას აცხადებს. დირექტორი პოსტს ინარჩუნებს, თუმცა პროტესტის ნიშნად მოვალეობას არ შეასრულებს. დირექტორის ადვოკატი გაფიცვის გამოცხადების მიზეზად მისი დაცვის ქვეშ მყოფის მიმართ განხორციელებულ ზეწოლას და მუქარას ასახელებს. მაია გიორგაძე აცხადებს, რომ მას განათლების სამინისტროს წარმომადგენლები ჯერ კიდევ ნოემბრის პირველი რიცხვებიდან აშანტაჟებენ, როცა მე-12 კლასელების საპროტესტო აქციები იმართებოდა.
№149-ე სკოლის სამეურვეო საბჭომ ადვოკატის შუამდგომლობებს მხარი დაუჭირა. შესაბამისად, საბჭო განათლების მინისტრ დიმიტრი შაშკინის ბრძანების საფუძველზე დირექტორის გათავისუფლების საკითხის განხილვას მხოლოდ მას შემდეგ გააგრძელებს, რაც ადვოკატის მიერ დღეს დაყენებული მოთხოვნები დაკმაყოფილდება.
ინტერპრესნიუსი
ახალი ამბები
პოპულარული
სტატია
13 თებერვალი, 2024
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სტატია
28 დეკემბერი, 2023
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
სტატია
13 დეკემბერი, 2023
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
