08:20, Thursday, 24.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პაატა ზაქარეიშვილი: „წმინდა სინოდის გადაწყვეტილებამ შესაძლოა, აფხაზების გაღიზიანება გამოიწვიოს“

22.12.2010
საქართველოს კათოლიკოს-პატრიარქ ილია მეორესთვის ცხუმ-აფხაზეთის ეპარქიის მმართველობის გადაცემამ შესაძლოა, აფხაზების გაღიზიანება გამოიწვიოს. ამის შესახებ კონფლიქტოლოგმა პაატა ზაქარეიშვილმა წმინდა სინოდის გადაწყვეტილების კომენტირებისას განაცხადა.

„ეს ინიციატივა აფხაზურ მხარეში გაღიზიანებას გამოიწვევს. ჩვენს პატრიარქს უდიდესი ავტორიტეტი აქვს არა მხოლოდ საქართველოში ან მართლმადიდებლურ სამყაროში, არამედ მთელს მსოფლიოში. მას თავად აფხაზებიც პატივს სცემენ, იმის მიუხედავად, რომ უკმაყოფილონი არიან. ეს უკმაყოფილება კი იმ დროიდან მოდის, როცა პატრიარქის განცხადებები მათ არასწორად გაიგეს. მაგალითად, საომარი მოქმედებების წინ პატრიარქმა თქვა, რომ ყველა ქართველის მკვლელი შეუნანიებელ ცოდვას სჩადის. ამაზე აფხაზები გაბრაზდნენ – აფხაზის მკვლელი ცოდვას არ ატარებსო?! მათ ეს დღემდე ახსოვთ. მიმაჩნია, რომ მათ პატრიარქის ეს განცხადება არასწორად წაიკითხეს, რადგან იგი ქართველში საქართველოს ყველა მოქალაქეს გულისხმობდა, მათ შორის აფხაზებსაც. ამ ინიციატივაში კი აფხაზები წაიკითხავენ არა რელიგიურ და ეკლესიურ, არამედ პოლიტიკურ კონტექსტს და იტყვიან, რომ არასწორი მეთოდებია გამოყენებული და ამ ფორმით არ უნდა ველაპარაკებოდეთ“, - განაცხადა პაატა ზაქარეიშვილმა.

მისივე შეფასებით, ეკლესია შეიძლება იყოს ძალიან სერიოზული და მნიშვნელოვანი, მაგრამ დამატებითი ბერკეტი საკითხის მოგვარებაში. ზაქარეიშვილის აზრით, ვიდრე ქართული პოლიტიკა მთლიანად არ შეიცვლება აფხაზების მიმართ, ასეთი ცალმხრივი ქმედებები, არა თუ შედეგის მომტანი არ იქნება, არამედ კარგი ინიციატივისა და რესურსის დიკსრედიტაციას მოახდენს.

„სააკაშვილი არ ელაპარაკება აფხაზებს. მათ მხარედ და ადამიანებად არ თვლის და მიაჩნია, რომ ისინი მხოლოდ რუსეთის მარიონეტები არიან და ეს არის საქართველოს ხელისუფლების წამყვანი პოზიცია. ამ ფონზე ასეთი ინიციატივები არა თუ შედეგის მომტანი არ იქნება, არამედ ამგვარ ინციატივას მომავალში ვეღარ გამოიყენებ, რადგან უკვე ახლა მოხდება მისი დისკრედიტაცია“, - მიაჩნია ზაქარეიშვილს.

წმინდა სინოდის გადაწყვეტილებით, ცხუმ-აფხაზეთის ეპარქიის მმართველობა კათოლიკოს-პატრიარქს ილია მეორეს გადაეცა. ამიერიდან სრულიად საქართველოს კათოლიკოს-პატრიარქის ტიტული იქნება: უწმიდესი და უნეტარესი ილია მეორე, საქართველოს კათოლიკოს-პატრიარქი, მთავარეპისკოპოსი მცხეთა-თბილისისა და მიტროპოლიტი ბიჭვინთისა და ცხუმ-აფხაზეთის.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC