20:35, Thursday, 19.09.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სოფელ ლაფნიანში მცხოვრები ეთნიკური ოსები ნაკვეთების გარეშე დარჩნენ

24.12.2010
ლაგოდეხის რაიონის სოფელ ლაფნიანში მცხოვრები ეთნიკური ოსები ადგილობრივ ხელისუფლებას უყურადღებობაში ადანაშაულებენ. როგორც სოფლის მაცხოვრებლებმა კახეთის საინფორმაციო ცენტრს აცნობეს, თაღლითობის შედეგად ისინი სასოფლო - სამეურნეო ნაკვეთების გარეშე დარჩნენ.

სოფლის მაცხოვრებლების თქმით, 1999 წელს, ლაფნიანში აგროფირმა „იმედმა“ 21 000 აშშ დოლარის ღირებულების შხამქიმიკატი შეიტანა. შხამქიმიკატები მოსახლეობაზე განვადებით უნდა გაცემულიყო. სანაცვლოდ, აგროფირმა „იმედმა“ სააქციო საზოგადოება „ფიჩხიბოგირთან“, რომელიც მოსახლეობამ კოლმეურნეობის ბაზაზე დააფუძნა, ხელშეკრულება გააფორმა და სოფლის კუთვნილი ნაკვეთები იპოთეკით დატვირთა. ლაფნიანის მაცხოვრებლების თქმით, მათთვის შხამ - ქიმიკატები არავის მიუცია, შესაბამისად, არც ფული გადაუხდიათ. მოგვიანებით კი აღმოჩნდა, რომ სოფელი ნაკვეთების გარეშე დარჩა.

სააქციო საზოგადოება „ფიჩხიბოგირის“ ყოფილ მიწებზე აგროფირმა „იმედმა“ ზეთისხილის ბაღი გააშენა. კომპანია იმ ტერიტორიებზეც დაობს, სადაც სოფლის მაცხოვრებლებს ვენახები აქვთ გაშენებული ან მოსავალი მოჰყავთ, რომლითაც თავს ირჩენენ.

კახეთის საინფორმაციო ცენტრი, არაერთი მცდელობის მიუხედავად, აგროფირმა „იმედის“ წარმომადგენლებს ვერ დაუკავშირდა. ლაგოდეხის გამგებელმა დიმიტრი ლოლაძემ და კახეთის გუბერნატორის მოადგილემ გიორგი სიბაშვილმა აღნიშნეს, რომ ლაფნიანის მაცხოვრებლების პრობლემას დეტალეურად არ იცნობენ. როგორც ჩვენთან სატელეფონო საუბარში სოფელ ლაფნიანის ტერიტორიული ორგანოს რწმუნებულმა მამუკა ხიდეშელმა განაცხადა, ზეთისხილის ბაღს ვინმე ადეიშვილი კურირებს, რომელიც ყვარლის რაიონის სოფელ მთისძირში ცხოვრობს. ადეიშვილთან დაკავშირება ვერ მოხერხდა.

იხილეთ ვიდეო

კახეთის საინფორმაციო ცენტრი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC