"ეროვნული ფორუმის" წევრმა ზაზა ჩაკვეტაძემ პროკურატურასთან საპროცესო შეთანხმება გააფორმა .
როგორც “ინტერპრესნიუსს” ჩაკვეტაძის ადვოკატმა ზურაბ ნეფარიძემ განუცხადა, ჩაკვეტაძეს არასაპატიმრო სასჯელი ერთ წლიანი გამოსაცდელი ვადით შეეფარდა და 2000 ლარიანი ჯარიმის გადახდა დაეკისრა.
მისივე თქმით, ჩაკვეტაძემ პოკურატურასთან საპროცესო შეთანხმება გააფორმა და ამას “ეროვნული ფორუმიც” დაეთანხმა.
სასამართლომ ჩაკვეტაძე გაამტყუნა და დამნაშავედ ცნო. სასამართლოს ამ გადაწყვეტილების გასაჩივრებას ჩაკვეტაძის ადვოკატი არ აპირებს.
ჩაკვეტაძე წინასწარ პატიმრობაში იმყოფებოდა. დღეს კი სასამართლო სხდომის დარბაზიდან გათავისუფლდა.
ჩაკვეტაძეს მსჯავრი პოლიციისათვის წინააღმდეგობის გაწევაში დაედო. ეს მუხლი 5 წლამდე პატიმრობას ითვალისწინებს.
ჩაკვეტაძე 21 ოქტომბერს ლილოს ბაზრობაზე მომხდარი ინციდენტის დროს დააკავეს.
ინტერპრესნიუსი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
