ზუგდიდის რაიონის სოფელ კოკთან ყაჩაღობაში ეჭვმიტანილების დაკავების დროს ერთი ეჭვმიტანილი დაიღუპა.
საქართველოს შსს-ს ინფორმაციით, რუსეთის მიერ კონტროლირებადი აფხაზეთის ტერიტორიიდან, კონკრეტულად სოფელ ოტობაიადან სოფელ ორსანტიაში გადმოვიდნენ წარსულში ნასამართლევი დავით რურუა, ჯონი ქარდავა და თეიმურაზ კვარაცხელია. აღნიშნულმა პირებმა დაიქირავეს ტაქსი და გზა განაგრძეს ზუგდიდის მიმართულებით. სოფელ კოკთან ისინი არ დაემორჩილნენ სამართალდამცავების მოთხოვნას ავტომანქანის გაჩერებასთან დაკავშირებით, მოახდინეს შეჯახება პოლიციის კუთვნილი „პიკაპის“ ტიპის ავტომანქანაზე, გახსნეს ცეცხლი პოლიციის მიმარულებით და შეეცადნენ მიმალვას.
საპასუხო სროლის შედეგად გარდაიცვალა თეიმურაზ კვარაცხელია. ადგილზე დააკავეს დავით რურუა და ჯონი ქარდავა. დაკავებულების პირადი ჩხრეკისას ამოღებულია ხელყუმბარა, ორი ცალი ავტომატური ცეცხლსასროლი იარაღი „კალაშნიკოვი“ ოთხი მჭიდით, ერთი „ვინჩესტერის“ ტიპის სანადირო იარაღი. ბრალდებულებს, ასევე, აღმოაჩნდათ ე.წ. „სკოჩი“, დანები, ხელთათმანები და სახეზე გასაკეთებელი ნიღბები.
გამოძიება მიმდინარეობს საქართველოს სსკ-ის 353-ე , 231-ეს პირველი და მეორე ნაწილებით.
ინტერპრესნიუსი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
