10 მარტს ჟენევაში, გაეროს ოფისის წინ, ქართველმა, სომეხმა და აზერბაიჯნელმა უფლებადამცველებმა აქცია გამართეს.
აქცია უფლებადამცველთა სამხრეთკავკასიურმა ქსელმა მოაწყო. მას ასევე შეუერთდა ნორვეგიული ორგანიზაცია „ადამიანის უფლებათა სახლი“.
უფლებადამცველები შეეცადნენ, გაეროს ყურადღება მიეპყროთ საქართველოში, სომხეთსა და აზერბაიჯანში არსებული პრობლემებისთვის. კონკრეტულად, მათ პოლიტმატიმრების გათავისუფლება, ასევე - ადამიანის უფლებების დარღვევებისა და რეპრესიების შეწყვეტა მოითხოვეს.
საქართველოდან საპროტესტო აქციაში მონაწილეობდნენ ადამიანის უფლებათა ცენტრი, „კონსტიტუციის 42-ე მუხლი“ და „სამოქალაქო მოძრაობა - მრავალეროვანი საქართველო“.
საპროტესტო აქციის შემდეგ სამხრეთკავკასიური ქსელის უფლებადამცველი ორგანიზაციები გაეროს ადამიანის უფლებათა საბჭოს სხდომას დაესწრნენ და გაეროს წარმომადგენლებთან შეხვედრები გამართეს.
ხოლო გაეროს ადამიანის უფლებათა საბჭოს სხდომაზე უფლებადამცველთა სამხრეთკავკასიურმა ქსელმა მოაწყო ანგარიშის - „ადამიანის უფლებები კავკასიაში“ პრეზენტაცია.
ადამიანის უფლებათა ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
