15:15, Wednesday, 08.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სახალხო დამცველი ხათუნა კალმახელიძეს რეკომენდაციით მიმართავს

25.03.2011
სახალხო დამცველი გიორგი ტუღუში ქუთაისის #2 საპყრობილეში პატიმრების უფლებების დარღვევასთან დაკავშირებით რეკომენდაციით ხათუნა კალმახელიძეს მიმართავს.

გიორგი ტუღუში სასჯელაღსრულების, პრობაციისა და იურიდიული დახმარების საკითხთა მინისტრს თხოვს, შეისწავლოს ქუთაისის #2 დაწესებულებაში არსებული პრობლემები და მოახდინოს მათზე ადეკვატური რეაგირება.

სახალხო დამცველის ოფისის ცნობით, სახალხო დამცველს კოლექტიური განცხადებებით მიმართეს ქუთაისის #2 დაწესებულებაში განთავსებულმა მსჯავრდებულებმა. განცხადებებში ისინი მიუთითებენ, რომ აღნიშნულ დაწესებულებაში ირღვევა მათი უფლებები. კერძოდ, გართულებულია ექიმთან შეხვედრის პროცედურა. დაწესებულებაში დამკვიდრებული პრაქტიკის თანახმად, პატიმარმა განცხადებით უნდა მიმართოს სამედიცინო პერსონალს, ხოლო შემდეგ დაელოდოს გადაწყვეტილებას. ამასთან, ისინი არც სათანადო მედიკამენტებით არიან უზრუნველყოფილნი.
 
პატიმრები აღნიშნავენ, რომ მათ არ ეძლევათ საშუალება, პატიმრობის კოდექსით დადგენილი რეგულარობით (კვირაში ორჯერ) მიიღონ შხაპი. წყალი საკნებში გაურკვეველი გრაფიკით მიეწოდებათ.

მიუხედავად იმისა, რომ პატიმრობის კოდექსით ხანმოკლე პაემნის ხანგრძლივობა 1-იდან 2 საათამდეა, მათ მხოლოდ 30 წუთით სარგებლობის უფლებას აძლევენ.

ნაცვლად ერთი საათისა, სუფთა ჰაერზე ყოველ დღე მხოლოდ 15 წუთით გაყავთ, რა დროსაც ზედამხედველები მათ უხეშად და დამამცირებლად ექცევიან.

პატიმართა თქმით, მათ არაერთხელ სცადეს აღნიშნული პრობლემების შესახებ წერილობით მიემართათ სახალხო დამცველისთვის, თუმცა, დაწესებულებიდან განცხადებები არ იგზავნება.

დაწესებულების ადმინისტრაციამ არ დააკმაყოფილა მათი მოთხოვნა საკნებში ტელევიზორების დაშვების თაობაზე.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

უჩინარი მტერი
2020 წელი სულ ახლახან დაიწყო და მალევე მსოფლიოს დაუჯერებელი ინფორმაცია ეცნო - ინფორმაცია მკვლელი ვირუსის შესახებ, რომელიც ჩინეთში, უჰანის პროვინციაში გაჩნდა, შემდეგ კი
ვრცლად...
აპოკალიფსი არ იქნება
საგანგებო მდგომარეობის გავლენა საპარლამენტო არჩევნებზე
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC