17:23, Tuesday, 18.02.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ტელეკომპანია „მაესტროს“ 50 %-იანი წილის მფლობელი მომღერალი გია გაჩეჩილაძე გახდება

28.03.2011

გიორგი ფუტკარაძე, "მედია.გე"

ტელეკომპანია „მაესტროს“ მთლიანი წილის 50 % მომღერალ გია გაჩეჩილაძეს, იგივე „უცნობს“ გადაეცემა.

„მაესტროს“ გენერალური დირექტორის ბაჩო (ილია) კიკაბიძის თქმით,  ეს შეთანხმება, ჯერ კიდევ 2006 წელს დაიდო და ითვალისწინებს, რომ  მუსიკალური ფორმატის რადიო „ნაცნობი“ „მაესტროს“ მფლობელობაში გადავა და ტრანსფორმირდება როგორც საინფორმაციო სპეციფიკის მქონე რადიო „მაესტროდ“. ხოლო, ტელეკომპანია „მაესტროს“ აქციათა 50% კი გია გაჩეჩილაძის საკუთრება გახდება.

გია გაჩეჩილაძე ოპოზიციური „ქართული პარტიის“ ერთ-ერთი ლიდერის ლევან გაჩეჩილაძის ძმაა.

ამავე პარტიის კიდევ ერთი ლიდერი ეროსი კიწმარიშვილია, რომლის დაფუძნებულ „რუსთავის მართვის კომპანიას“ ტელეკომპანია „მაესტრო“ სამწლიანი მართვის უფლებით აქვს გადაცემული.

კიკაბიძემ მედია.გე-ს უთხრა, რომ ტელევიზიის წილის გადაცემის შესახებ  შეთანხმება ითვალისწინებს ერთობლივ მუშაობას. იურიდიულად თითქმის ყველა საკითხი გადაწყვეტილია და „მაესტროს“ ათი მეწილედან წილი ყველამ პროპორციულად დათმო.

„ეს ფაქტი განაპირობა იმან, რაც ერთობლივად ამ წლების განმავლობაში ვაკეთეთ“, - ამბობს კიკაბიძე, თუმცა, კონკრეტულად არ პასუხობს კითხვას, რომელიც „მაესტროში“ გია გაჩეჩილაძის ფუნქციებს შეეხება.

www.Journalist.ge-ზე „მაესტროს“ და რადიო „ნაცნობის“ დამფუძნებელთა სახელით გავრცელებულ განცხადებაში ნათქვამია, რომ წილების გადანაწილება და ტელე და რადიომაუწყებლობის ერთ მფლობელობაში გადასვლა თავისუფალი სიტყვის გაძლიერებას ემსახურება.

კიკაბიძის განცხადებით, რადიო „მაესტრო“ უახლოეს მომავალში მაუწყებლობას დაიწყებს სატელიტურ სიხშირეზე, რაც საშუალებას მისცემს როგორც საქართველოს რეგიონებში, ასევე  ქვეყნის საზღვრებს გარეთ მცხოვრებ ადამიანებს, მიიღონ დაბალანსებული და მიუკერძოებელი ინფორმაცია.

„ჩვენ კარგად გვესმის ის პასუხისმგებლობა, რომელიც გვაკისრია და მიგვაჩნია, რომ თავისუფალი მედიის გაერთიანება და გაძლიერება სასარგებლო იქნება როგორც საზოგადოებისათვის, ასევე მთელი პოლიტიკური სპექტრისათვის“, -  აცხადებს კიკაბიძე.

„მიმაჩნია, რომ იმ პირობებში, როდესაც თავისუფალი მედიის როლი განსაკუთრებით საჭიროა დემოკრატიული პროცესების განვითარებისათვის, ამ შეთანხმებას დადებითი რეზონანსი მოჰყვება როგორც ქვეყნის შიგნით ასევე, საერთაშორისო თანამეგობრობაში“, - ამბობს  კიკაბიძე.

თავად გია გაჩეჩილაძეს 2009 წელს „მაესტროზე“ რეალურ რეჟიმში გადაცემა „საკანი №5“ მიჰყავდა.  ხელისუფლების მძაფრი კრიტიკით გამორჩეული I პროექტი  რამდენიმე თვის განმავლობაში გრძელდებოდა.



Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC