13:51, Wednesday, 08.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ქსნის #15 ე.წ. ძველ ზონაში ტუბერკულოზით დაავადებული პატიმარი გარდაიცვალა

31.03.2011
ქსნის #15 დაწესებულების ე.წ. ძველ ზონაში ტუბერკულოზით დაავადებული პატიმარი ზვიად ხალვაში გარდაიცვალა.

პატიმრის გარდაცვალების შესახებ ინფორმაცია პარლამენტის წევრმა დიმიტრი ლორთქიფანიძემ გაავრცელა. დეპუტატის მონაცემებით, ხალვაში აღნიშნულ საპატიმრო დაწესებულებაში ტუბერკულოზით დაავადებულ მსჯავრდებულთა სამკურნალო დაწესებულებიდან გარდაცვალებამდე რამდენიმე დღით ადრე გადაიყვანეს, მისი დაღუპვის ფაქტი კი სასჯელაღსრულების სამინისტროს პასუხისმგებელი პირების მხრიდან მკაცრად გასაიდუმლოებულია.

„მსჯავრდებულთა სიკვდილიანობის მაჩვენებლის კატასტროფული ზრდა პირდაპირ კავშირშია ქსნის ტუბერკულოზით დაავადებულ მსჯავრდებულთა სამკურნალო დაწესებულებაში შექმნილ ვითარებასთან. ტუბერკულოზით დაავადებულთა ქსნის სამკურნალო დაწესებულებას „სამკურნალო“ მხოლოდ პირობითად შეიძლება, ეწოდოს. იქ მოხვედრილ პატიმრებს პირველივე წუთებიდან განსაკუთრებული სისასტიკით ექცევიან: როგორც წესი, კეტავენ კარცერებში, რომელსაც ადმინისტრაცია საკარანტინო ოზოლატორს უწოდებს და სადაც ადამიანური ყოფისთვის ელემენტარული პირობებიც არ არის შექმნილი. იქ პატიმრებს არ გააჩნიათ დასაწოლი, ხოლო ტუბერკულოზით დაავადებულ 10-15 პატიმარს მცირე ზომის საკანში რამდენიმე დღით ათავსებენ. ახლადეტაპირებულ ავადმყოფთა კონტინგენტს კარცერებში ემატება სამკურნალო დაწესებულებიდან გადმოყვანილი, ადმინისტრაციულ სახდელდადებული პირების გარკვეული რაოდენობაც  და ასეთ ვითარებაში მყოფი მსჯავრდებული ავადმყოფები წამებასთან გაიგივებულ მდგომარეობაში იმყოფებიან“, - აცხადებს პარლამენტის ოპოზიციონერი წევრი.

მისივე ინფორმაციით, ასეთ პირობებში მოთავსების შედეგად 2010 წლის ზაფხულში მსჯავრდებული ქეთიშვილი გარდაიცვალა. ამავე კონტექსტში დიმიტრი ლორთქიფანიძე კიდევ ერთი მსჯავრდებულის - 23 წლის თამაზ დადვანის გარდაცვლების ფაქტსაც იხსენებს.

ქსნის ტუბერკულოზით დაავადებულთა სამკურნალო დაწესებულებაში შექმნილი მდგომარეობისა და ზოგადად, პატიმართა სიკვდილიანობის ფაქტების შესახებ დეტალური განმარტების გაკეთებას დეპუტატი სასჯელაღსრულების მინისტრ ხათუნა კალმახელიძისგან მოითხოვა.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

უჩინარი მტერი
2020 წელი სულ ახლახან დაიწყო და მალევე მსოფლიოს დაუჯერებელი ინფორმაცია ეცნო - ინფორმაცია მკვლელი ვირუსის შესახებ, რომელიც ჩინეთში, უჰანის პროვინციაში გაჩნდა, შემდეგ კი
ვრცლად...
აპოკალიფსი არ იქნება
საგანგებო მდგომარეობის გავლენა საპარლამენტო არჩევნებზე
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC