ყვარლის რაიონის სოფელ კუჭატანის მოსახლეობა საძოვრების დაბრუნებას ითხოვს. როგორც სოფლის მაცხოვრებლებმა კახეთის საინფორმაციო ცენტრს აცნობეს, ე.წ. „ნაიონჯრებში“ სოფელს 37 ჰექტარი საძოვარი ჰქონდა, რომელიც ხელისუფლებამ ფარულად გაასხვისა.
კუჭატანის მაცხოვრებლების თქმით, საძოვრების გაყიდვის შესახებ მათ მას შემდეგ გაიგეს, რაც კერძო მფლობელებმა ტბორის გაკეთება დაიწყეს და მოსახლეობას საქონლის გაშვება აუკრძალეს.
„სოფელს საძოვარი აღარ აქვს, არადა თავს მესაქონლეობით ვირჩენთ. ადგილობრივ ხელისუფლებას დახმარებისთვის არაერთხელ მივმართეთ, მაგრამ ყურადღებას არ გვაქცევენ. ყვარლის გამგებელმა სამუშაო ოთახიდან გამოგვყარა. წყნარად თუ არ იქნებით და იბუნტავებთ, პატრულს შევატყობინებ და შესაბამის ღონისძიებებს მიიღებენო, დაგვემუქრა გამგებელი. მაჟორიტარ დეპუტატთანაც გვინდოდა შეხვედრა, მაგრამ ყვარელში მოქალაქეებთან შესახვედრად არ ჩამოდის“, - აღნიშნეს კუჭატანის მაცხოვრებლებმა.
სოფელ კუჭატანის ტერიტორიული ორგანოს რწმუნებულის გელა გოგილაშვილის თქმით, მოსახლეობასა და სადაო მიწის მფლობელებს შორის დაპირისპირებაა.
კუჭატანის მაცხოვრებლები საძოვრების დაბრუნების მოთხოვნით უახლოეს დღეებში საპროტესტო აქციების გამართვას აპირებენ.
კახეთის საინფორმაციო ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
