20 აპრილს „ოპოზიციური რვიანი“ გაეროს თბილისის ოფისში საქართველოში აკრედიტებული დიპლომატიური კორპუსის წარმომადგენლებს შეხვდა.
„რვიანმა“ უცხოელ დიპლომატებს საარჩევნო გარემოს გაუმჯობესების მიზნით შემუშავებული საკუთარი წინადადებები გააცნო და მათ საარჩევნო რეფორმის პროცესში აქტიური ჩართულობისაკენ მოუწოდა.
როგორც „რვიანში“ შემავალი ერთ-ერთი პარტიის - „თავისუფალი დემოკრატების“ წევრმა ირაკლი ჩიქოვანმა განაცხადა, საარჩევნო გარემოს თვისობრივ ცვლილებას საქართველოში საერთაშორისო თანამეგობრობის უპრეცედენტო მხარდაჭერა აქვს.
ჩიქოვანმა იმედი გამოთქვა, რომ სწორედ უცხოელი პარტნიორების მხრიდან ზეწოლის შედეგად, ხელისუფლება ამ პროცესში ადეკვატურ ნაბიჯებს გადადგამს. მისივე თქმით, ეს პროცესი მაისის ბოლოსთვის უნდა დასრულდეს. შეგახსენებთ, რომ საარჩევნო გარემოს გაუმჯობესებასთან დაკავშირებით ხელისუფლებასა და ოპოზიციას შორის მოლაპარაკებათა პროცესი ამ დროისთვის შეჩერებულია.
შეხვედრაში მონაწილეობდნენ საქართველოში აკრედიტირებული დიპლომატიური კორპუსის თითქის ყველა ხელმძღვანელი, მათ შორის აშშ-ს ელჩი ჯონ ბასი, პარტიებიდან კი ირაკლი ჩიქოვანი, ექსპერტი ვახტანგ ხმალაძე და „ახალი მემარჯვენეებიდან“ მამუკა კაციტაძე.
ინტერპრესნიუსი
ახალი ამბები
პოპულარული
სტატია
13 თებერვალი, 2024
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სტატია
28 დეკემბერი, 2023
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
სტატია
13 დეკემბერი, 2023
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
