18 მაისს, დაახლოებით 08:00 საათზე, საჩხერის რაიონის სოფელ ჭალვანში მცხოვრებ ხუთ ახალგაზრდას სამხედრო ფორმაში ჩაცმულმა საოკუპაციო რეჟიმის წარმომადგენლებმა ცეცხლი გაუხსნეს. ინციდენტის შესახებ ოფიციალური განცხადება საქართველოს შინაგან საქმეთა სამინისტრომ გაავრცელა.
შსს-ს ინფორმაციით, 17, 21, 22, 26 და 27 წლის ახალგაზრდები საოკუპაციო ხაზის უშუალო სიახლოვეს, ჩონთოს ხეობაში ჯონჯოლის შეგროვების მიზნით იმყოფებოდნენ, რა დროსაც მათ დაკავებას სამხედრო ფორმაში ჩაცმული საოკუპაციო რეჟიმის წარმომადგენლები შეეცადნენ.
ახალგაზრდებმა გაქცევა სცადეს, თუმცა, სამხედრო ფორმაში ჩაცმულმა პირებმა მათ ცეცხლი გაუხსნეს.
სროლის შედეგად დაიჭრა ორი ახალგაზრდა, რომლებსაც ამ წუთებში გადაუდებელი ოპერაცია უტარდებათ. მათ შორის, მძიმედ არის დაჭრილი ადგილობრივი სკოლის 17 წლის მოსწავლე.
ინტერპრესნიუსი