კახეთში, დროებითი მოთავსების იზოლატორები გადატვირთულია. რეგიონში ოპოზიციის 20-ზე მეტი მხარდამჭერი ჰყავთ დაკავებული. ზოგიერთ მათგანს ადმინისტრაციული პატიმრობა აქვს შეფარდებული, ზოგი კი დმი-ში უკანონოდ იმყოფება. ამ ინფორმაციას „ადამიანის უფლებათა ცენტრი“ ავრცელებს.
რვა დაკავებულის ვინაობა ცნობილია. ისინი არიან „სახალხო კრების“ საგარეჯოს კომიტეტის შეფიცულთა რაზმის ხელმძღვანელი გიორგი ყაველაშვილი; კომიტეტის წევრი გელა დიღმელაშვილი; კონსერვატიული პარტიის საგარეჯოს რაიონული ორგანიზაციის თავმჯდომარე გია გურგენიშვილი; „სახალხო კრების“ მხარდამჭერი გიორგი ფირალიშვილი; „სახალხო კრების“ ყვარლის რაიონული კომიტეტის ხელმძღვანელი ოთარ ადომლიშვილი; „სახალხო კრების“ თელავის რაიონული კომიტეტის წევრი არჩილ ტაბლიაშვილი; „სახალხო კრების“ გურჯაანის რაიონული კომიტეტის წევრი ტარიელ მელქოშვილი; „ქართული პარტიის“ ყვარლის ორგანიზაციის წევრი ზურაბ ასაბაშვილი.
კახეთის საინფორმაციო ცენტრი