მდუმარე აქცია - 00:15!

დღეს 1 ივნისს, 23:30 საათზე პარლამენტის შენობის წინ დაიწყება არასამთავრობო ორგანიზაციების მდუმარე აქცია.

ამ აქციით სამოქალაქო საზოგადოება გამოხატავს პროტესტს 26 მაისს შსს-ს სპეციალური დანიშნულების რაზმების მიერ ძალის გადამეტებით დაშლილი საპროტესტო მიტინგის გამო.

მდუმარე აქციაზე წარმოდგენილი იქნება 26 მაისს დაფიქსირებული ძალადობის ამსახველი ფოტოსურათები.

მდუმარე აქციაში მონაწილეობენ არასამთავრობო ორგანიზაციები: საქართველოს ახალგაზრდა იურისტთა ასოციაცია, ადამიანის უფლებათა ცენტრი, „კონსტიტუციის 42-ე მუხლი“, საზოგადოებრივი დამცველი, სამოქალაქო მოძრაობა - მრავალეროვანი საქართველო, კავშირი - 21-ე საუკუნე, კონსტიტუციურ უფლებათა დაცვის ცენტრი, კონფლიქტებისა და მოლაპარაკებების საერთაშორისო ცენტრი, კავკასიის ქალთა ქსელი, ადამიანის უფლებათა პრიორიტეტი, ყოფილი პოლიტპატიმრები - ადამიანის უფლებებისათვის, ძალადობისგან დაცვის ეროვნული ქსელი, სამართლიანი არჩევნებისა და დემოკრატიის საერთაშორისო საზოგადოება, საერთაშორისო გამჭვირვალობა - საქართველო და სხვები.

შემოგვიერთდით!